SA regering onttrek steun aan Mej. SA-organisasie oor Mej. Heelal-herrie

Lalela Mswane is as Mej. Suid-Afrika 2021 gekroon. (Foto: Verskaf)

Lalela Mswane, die huidige Mej. Suid-Afrika, sal in Desember vanjaar sonder die ondersteuning van die regering aan die Mej. Heelal-kompetisie in Israel deelneem.

Die departement van sport, kuns en kultuur het Sondag in ʼn verklaring gesê dat hy sy ondersteuning van die Mej. Suid-Afrika-organisasie onttrek ná vrugtelose pogings om hulle te oorreed om nie aan dié internasionale kompetisie deel te neem nie.

Luidens die verklaring het die organiseerders van Mej. Suid-Afrika die regering se raad “onversetlik verontagsaam”.

“Die samesprekings met die organiseerders het aanvanklik deelnemend en opbouend voorgekom, maar is later met ʼn onaangename, onversetlike houding gestuit sonder om die potensieel negatiewe uitwerking van só ʼn besluit op die reputasie en toekoms van ʼn jong, swart vrou in ag te neem,” het Nathi Mthethwa, minister van dié departement, gesê.

“Die gruweldade wat Israel teen Palestyne gepleeg het, is goed gedokumenteer en as die wettige verteenwoordiger van die mense van Suid-Afrika kan die regering hom nie met ʼn goeie gewete daarmee vereenselwig nie.”

Mthethwa sê die organiseerder is daarop gewys dat aartsbiskop Desmond Tutu destyds gesê het dat Israel aan “apartheidsbehandeling van Palestyne skuldig was”.

Die minister meen hy het waardering vir die belange van Mswane, maar glo dat die redes vir onttrekking aan die kompetisie veel swaarder as dié belange weeg.

“Inteendeel, deur haar te onttrek sal Mej. Suid-Afrika se reputasie en algehele aansien in Suid-Afrika en internasionaal op ʼn baie hoër vlak wees in vergelyking met ʼn eenmalige gebeurtenis wat rampspoedig vir haar toekoms en openbare aansien as jong, swart vrou kan wees.”

Volgens Mthethwa was dit nodig om die regering en mense van Suid-Afrika in die openbaar van die Mej. Suid-Afrika-organisasie te distansieer.

“Diesnieteenstaande hoop ons dat gesonde verstand in die belang van Mswane sal seëvier, en bly ons ontvanklik vir besprekings in daardie verband.”

Die EFF het Woensdag ook druk op Mswane geplaas om haar te onttrek deur ʼn verklaring uit te reik waarin die party haar vra om dié “apartheidstaat en die kompetisie in geheel te boikot”.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

48 Kommentare

Wielspore ·

En daar wen die politieke blyspel weer die beker vir inmenging!

Alta Alleman ·

Kan hierdie minister asb ook alle politieke inmenging van alle sportsoorte ook ontrek?

Catherina ·

Veral sokker. Interessant dat v alle sporte kwotas verwag word maar nie van sokker nie. Now they are involved in beauty pageants. ……is this not also discrimination against a country?

James ·

Wat van die gruweldade wat Palistiena teen oor Israel gepleeg het? Dit is tipies ANC. Jy Hoor net van gruweldade wat die NP teenoor die onskuldige mense van SA gepleeg het maar nooit die gruweldade wat die ANC teenoor die onskuldige mense gepleeg het. ANC, bou n brug en kom daaroor.

Anel ·

Nou wie dink hy is hy? Hy verteenwoordig defnitief nie vir my nie. Ek kan nie verstaan wat politiek met dit te doen het nie? Dit sê vir my dat ons nou omonwonde ‘n komunistiese staat is. Maak soos ons sê of….! Los die jongmense om deel te neem waaraan hulle wil!! Die wêreld lag in elke geval vir hom, en dan vir ons.

Dries ·

Nou hoop ek hierdie girl neem deel,en WEN die pageant.Dan wil ek die eier op anc se gesigte sien.Maar ek weet nou al.Hulle gaan juig en uitblêr hoe trots hulle is oor n kind van Afrika die wêreld uitgestof het.Oooooeeeee,ek kannie wag nie

groenboer ·

Ek het presies dieselfde ding gedink: as sy wen, sal al wat ‘n minister is vir ons vertel hoe mooi en bekwaam en wonderlik SA s vroue is…

Rudi ·

Dit sal goed wees vir almal as julle ontrek. Julle as regering dra in elk geval niks by nie, so bly stil.

Jackie ·

Nie alleen ondesteun goed ingeligte bronne Israel nie, maar geen intelligente persoon of organisasie kan in dieselfde kamp as die rassistiese EFF staan nie.

Anton ·

Whawaaa. Weet hulle ooit wat aan gaan.
Verstaan hulle die geskiedenis????

Nie Verbaas ·

Ag nou toe nou. Kom die opdrag om te ontrek van twee grootste rassiste in Suid Afrika. Vertel almal die waarheid van Palestyne. Maar net soos ANC is hulle mos ook die “slagoffers”. Minderwaardigheid se moses.

tweeling ·

Miskien moet Desmond Tutu maar net ‘n slag stilbly, sal beter wees vir almal. Hy is nie belangrik nie en praat beslis nie wat ek glo nie. Ek is ook skaam dat genoem word dat die regering my verteenwoordig.

Andries ·

Hy jon nie eens sy eie seun leer om hom te gedra op ‘n vliegtuig nie!

Tiptol ·

Ipv om ondersteuning aan een van hul eie mense te gee ten midde van geslags geweld in SA, ontneem hulle ‘n geleentheid om meisies te wys dat jy as vrou in SA enigiets kan bereik as jy daarin glo.

SomeOne ·

tutu, is jy ‘n man van die kerk ?, die Bybel sê uitdruklik vergewe hulle hul oortredinge, jy is nie daar om te oordeel nie, God sal oordeel
gee die eer aan mswane, dit kom haar toe, skiet jy ook swart mense af ?

Catherina ·

Church should concentrate on preaching and NOT on anything else

Maritha ·

Aaaag tog! Het die brommer nou weer afgeval…. maw. As Israel die volgende sokker wêreldbeker aanbied, mag die Bafana Bafana’s ook nie deelneem nie? Hu? Dis ń skoonheids kompetiesie!

Naomi ·

Ek het grootgeword in die jare toe ons net op onsself kon staatmaak…en ons het heel oukay anderkant uitgekom. Wat die rwgering nou doen is PRESiIES wat daardie tye gebeur het.
Apartheid hier kom ons

Mieke ·

Apartheid.. was nog altyd en is steeds teenwoordig hierdie keer net ANC teenoor “ons”.

Jr ·

Die govt is so blind en ignorant. Elections het duidelik gewys dat die mense wat hulle kamstig represent stel nie meer belang in hulle twak nie. Die rassis perd is lankal dood en na n bloedneus by die ballot box probeer hulle nog steeds hulle SWART ACE OF RACISM KAART SPEEL. Die EFF’ing party het begin en nou die cANCer party support hulle wat enige dom mens kan sien is net n move om die EFF’ers te align met hulle in munsipaliteite. Hulle gaan nie iets doen om die lewe van SA’s beter te maak nie maar sal die land divide al hoe meer met ras gedrewe kommuniste 101 moves. Blame and isolate certain groups to disguise our inability to govern. Kom ons begin ‘n fonds vir haar as’ n duidelike middel vinger vir die ANC. Sê anc want dis wie in die stoel is en nie n govt werd te noem nie)

Jakes ·

Die minister is al vele kere in omstredenheid gedompel met sy uitsprake. Het hy die Joodsegemeenskap in SA ook geraadpleeg hieroor? Natuurlik is die minister die voorbok wanneer dit by BLM se kniebuigery kom.

Frieda ·

Ag asb die klas vakie regering hou aan droom die wereld het julle nie nodig!!!

Harley Davidson ·

Die ANC regering het dan wette geskep om te diskrimineer teen huidige benaadeelde minderhede wat is hulle probleem nou.

Foefie ·

Ag shame. Hulle struikel oor wat Israel met die Palestyne doen maar doen niks aan die moorde op ons bejaardes nie: die mees weerloses naas kinders. Wie hulle lewe aan die land en sy mense gewy het word sinneloos afgemaai.

Ek is BLY die dame en haar organiseerders het hul man gestaan.

Nationalist ·

Ongelooflik hoe “die regering nie daarvan hou nie.” Niemand worry wat die regering sê nie. Sterkte! Hoop jy wen!

Yvonne ·

Die regering kan nie eers hulle eie huis in order kry nie…pff..wat n sirkus

annie ·

Die ANC het deur die jare baie Jode in hul midde gehad en baie geld vanuit die Joodse gemeenskap ontvang. Dis nou ‘n klap met ‘n vrot vis. Hierdie debakel gaan SA duur te staan kom. Om mense te gebruik en dan in die bek te skop is uiters onopgevoed… en die ANC is juis erg bankrot…

Barney ·

Ramaphosa en sy gespys haat die Jode met ń passie. Ek lag so lekker.

Danie ·

Net die feit dat die eff n gesang sing sou my laat besluit het om wel te gaan deelneem.

Outspoken ·

Ag hierdie regering is genoeg van om naar te word. Ek verstaan nie wat hulle met die geleentheid te doen het nie, as sy wil voort gaan om deel te neem, los haar, hou op haar boelie in dit wat julle wil hê sy moet doen, haar lewe so dis haar keuse.

christo ·

Sentrale beheer. Ek dog die grondwet beskerm ons regte t.o.v. vryheid van assosiasie. Sovêr ek weet is Israel ‘n land met ‘n wettige verkose regering.

Geregtigheid ·

DIE ANC HET SEKER NOOIT GRUWELDADE GEPLEEG NIE. PRETORIA BOM STASIE BOM HET ONSKULDIGE MENSE DOOD GEMAAK WAT NIKS AAN HULLE GEDOEN HET NIE. SHAME ANC

Genis ·

Nou wonder ek van gruwel dade teen die wit boere? Waarvan die regering ook weet, en nie veel doen nie?

Keelvol ·

En tog het die regering stil gebly en niks gedoen toe die boere in Zimbabwe van hulle plase ontneem is.
En tog bly die regering stil oor die menseregte vergryping in Soedan en het deur growe nalatigheid versuim om Bashir op n lasbrief van die ICC te arresteer.

Tinus ·

Ag asb, die regering laat toe dat wetteloosheid seevier en sy eie inwoners voor die voet vermoor word. Moenie nou probeer voorgee dat julle ‘n “damn” voel vir menselewens nie.

Parmantige samaritaan ·

Aan die anc patete. Niemand sal julle mis nie.

marius ·

Maak wat julle wil . Die wereld en julle sal in sak en as vergaan , dan sal Israel steeds bly staan . Dis die waarheid .

Swerwer ·

Sterkte Lalela Mswane gaan verteenwoordig ons land. Wys die Regering jy is beter as hul met hul dubbele standaarde.

Hoekom ·

Wat van die winter olimpiese spele in China? Hulle bly maar stil daaroor. Ek kan ‘n lys maak van die gruwel dade van China maar die lys sal te lank wees om te stuur.
Kom ek noem die mees onlangse voorbeeld:

‘n Chinese vroulike tennis speler het verdwyn nadat sy op die Chinese variant van Facebook gepost het dat die voormalige Prime minister haar sexueel misbruik het. Die post is ook verwyder en niemand kon tennis op die webblad soek vir ‘n hele lang ruk nie.

Dit bewys weereens die rassisme waartoe ons regerende party in staat is…

Andries ·

Gaan geniet jouself Lalela Mswane!! Hou politiek uit jou lewe en maak ‘n verskil waar dit saakmaak!!

Annelize ·

Ja, die regering kan maar onttrek, alles wat hulle inelkgeval aan raak, verander in ‘n klaaglike gemors.

john ·

Die ANC steun liewers die teroriste organisasie Hamas wat elke dag vuurpyle in Israeliese woonbuurte in stuur. Soort soek soort.

john ·

Lol en sins wanneer het die suid afrikaanse regeering n geweete ?? lol daai is n joke

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.