Rugbyspeler van SA deur Hawaii-polisie doodgeskiet

Lindani Myeni. (Foto: Facebook/ Jaguars RFC)

ʼn Voormalige Suid-Afrikaner van KwaZulu-Natal, wat aan die begin van die jaar saam met sy gesin na Hawaii verhuis het, is deur polisielede in Hawaii doodgeskiet.

Lindani Myeni, wat vantevore vir die Jaguars-rugbyklub in KwaZulu-Natal uitgedraf het, het Woensdag ná ʼn konfrontasie met die polisie in ʼn hospitaal in Hawaii aan sy wonde beswyk.

Verskeie plaaslike nuuskanale op die eiland berig dat die polisiedepartement van Honolulu, waar Myeni (29) gewoon het, Woensdagaand gereageer het op ʼn klag van huisbraak in Nuuanu.

“Met die polisie se aankoms op die toneel het die klaer die polisie gewys op ʼn nabygeleë motor waar die verdagte glo al geruime tyd gesit het,” het Susan Ballard, polisiehoof in Honolulu, Donderdag aan media gesê. Volgens Ballard het polisielede uit selfverdediging opgetree en het een van die beamptes verskeie breuke in sy gesig opgedoen waar die verdagte hom bygedam het. Hy het ook harsingskudding opgedoen en was ten tye van die mediakonferensie nog in die hospitaal.

In video’s van die voorval, wat later deur die polisie vrygestel is, is dit duidelik hoe ʼn groot swart man in die donker na die polisie aangestap kom. Die polisie skree op die man om op die grond te lê, maar die man ignoreer dié bevel. Hy stap dan tot by die polisie en begin die beampte bydam. Die polisie wend eers ʼn skokapparaat aan, maar die oortreder steur hom klaarblyklik nie hieraan nie. Dan kan gehoor word hoe verskeie skote klap.

Die man se identiteit is nie in die video bekend nie, maar Myeni se vrou het hom later as die man in die video geïdentifiseer.

In wat blyk ʼn bisarre reeks gebeure te wees, het Myeni volgens die polisie twee van hul beamptes met die vuis bygedam en een selfs platgetrek, met sy bene oor hom gaan sit en hom geslaan. Dit is toe dat die ander beampte drie skote na Myeni afgevuur het, wat daarna op die grond neergeval het.

“Dit het als binne ʼn minuut van die beamptes se aankoms op die toneel plaasgevind,” het Ballard gesê. Myeni is in ʼn kritieke toestand na ʼn nabygeleë hospitaal gehaas, waar hy later aan sy wonde beswyk het.

Sy vrou, Lindsay Myeni, het aan die nuuskanaal KITV4 gesê Myeni was saggeaard en liefdevol en die beste pa en man denkbaar. “Daar is geen rede waarom dít moes gebeur nie. Ek is wit en ek kan waarborg dat dít nie sou gebeur het indien hy wit was nie,” het sy gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Adri

Sjoe, was dit nou nodig om die rassekaart te speel, Lindsay? Regtig?

JM

Maak nou weer ‘n rasse-ding daarvan, maar Myeni se boewegedrag word ontken.

Hein

Lindani jy praat deur jou neus. Andre Stander was wit en hy was deur Vsa polisie gedood. Jou man het dit verdien deur die polisie aan teval

Chris dupreez

Seker gedink hy is nog in suid afrika waar die polisie geintimideer word en aangerand word.

Werner

Daar is n verskil tussen wet en orde en SA.