‘SA sal jare neem om van droogte te herstel’

water-kraan

Foto: Pixabay.com

Nomvula Mokonyane, minister van water en sanitasie, het gesê Suid-Afrika sal twee tot drie jaar neem om te herstel van die ergste droogte in ʼn eeu, maar die Wes-Kaap sal die nagevolge vir langer as dit voel.

Sy het dié uitlatings Vrydag in haar begrotingstoespraak gemaak en gesê al die groot damme in die land was teen die begin van vandeesweek gemiddeld ten minste driekwart vol hoewel die situasie in die Wes-Kaap steeds baie ernstig is.

Volgens haar is die vlakke van die 215 groot damme wat weekliks gemeet word 72,6 %.

“Ons het nog nie herstel nie en dit sal minstens twee tot drie jaar neem om van dié erge droogte te herstel,” het Makonyane gesê.

Xanthea Limberg, Kaapstad se burgemeesterskomiteelid vir informele nedersettings en waterdienste, het gesê die damme se stoorvlakke is nou op 20,7%, wat 0,7% minder is as ʼn week gelede. “Die laaste 10% van ʼn dam se water is grotendeels nie bruikbaar nie en die vlakke is dus eintlik 10,7%,” het Limberg gesê. “Ons bedank alle inwoners en sakeondernemings, maar ons gaan eenvoudig meer moet doen om water te bespaar, die verbruik bly te hoog,” het sy gesê. Sy het alle verbruikers gemaan om waterverbruik tot 100 liter per persoon per dag te verminder.

Helen Zille, premier van die Wes-Kaap, het die provinsie ook vroeër vandeesweek tot ʼn rampgebied verklaar te midde van die ergste droogte die afgelope eeu.

Makonyane voer aan die spanning tussen Zille en Patricia de Lille, burgemeester van Kaapstad, het gelei tot die “ernstige vertraging” van die rampverklaring.

Daar word nie merkwaardige reën vir die volgende twee weke in die Wes-Kaap voorspel nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
PJ

Ai dame wat weet jy tog ? Wat van die miljard wat alweer weg is ?

Boland

Droeland wingerdboere word swaar deur die droogte getref.Oeste wat halveer het die afgelope paar jaar asook treurige pryse vir druiwe.Minder as R3 van n bottel wyn gaan plaas toe.Hier gaan baie boere vou.Sterkte aan almal in die landbou en mag al die swak produsentpryse aan die verbruiker blootgestel word.

Mense mors nog water in MP

En dan kry jy mense soos vandag wat nog hul sypaadjie afspuit met n tuinslang…geen respek vir water!!!!!!

Basson

Rekord mielie oes word verwag, wit mielie opbrengs kan alle vorige jare oortref. Dis darem goeie nuus :)

Scalla

Nomvula, jul redenasie is mos dat die mense die damme te groot gebou het, moes kleiner gewees het dan raak dit gouer vol, dit is ongelukkig nie in ons hande om die weer en toestande te bestel en voorspel nie. Glo en Hy sal voorsien.