Coelen-Rey, wat 56 jaar gelede as Suid-Afrika se eerste Mej. Wêreld aangewys is, het aan Beeld gesê dat sy die grootste deel van Sondag se Mej. Wêreld-kompetisie misgeloop het. “Ek leef in ʼn huishouding vol mans en hulle wou die sewesrugby kyk. Skielik het ek my selfoon in die kamer hoor lui en dit is toe ʼn vriendin wat sê ek moet dadelik na die Mej. Wêreld-uitsending oorskakel,” het Coelen-Rey (74) aan Beeld gesê.
“Ek moes rondhardloop om ʼn TV te kry waar die rugby nie gewys het nie. Rolene is baie, baie pragtig! Ek is skoon vies vir die mans en hulle sewesrugby. Ek hoop die kompetisie word weer uitgesaai sodat ek dit van die begin af kan kyk.”
Strauss, van Volksrust in Mpumalanga, is Sondag in Londen as Mej. Wêreld 2014 aangewys terwyl die Blitsbokke hul titel as kampioene van die sewesrugbytoernooi behou het nadat hulle Nieu-Seeland met 26-17 geklop het.
Hier is die volledige uitsending indien jy die Mej. Wêreld-kompetisie misgeloop het:
http://youtu.be/FGCvpCuaWRA
Sjoe! Pragtig. Kan net nie glo dat sy met dai lelike rok kon wen nie. (Mandela gesig lap) Dit was regtig baie lelik, en ek het gedink daar gaan haar kanse! Maar hier lyk sy so pragtig!