SA se jongste bevolkingsyfer bekendgemaak

SAvlag

Suid-Afrikaanse vlag. Argieffoto.

Suid-Afrika se bevolking het toegeneem tot meer as 57 miljoen mense.

Só sê Statistiek SA wat Maandag sy midjaar-bevolkingsberaming bekendgemaak het.

“Ons praat van ʼn midjaar-bevolkingsberaming gegrond op fertiliteit-, mortaliteit- en migrasiedata om te bepaal wat die bevolking van Suid-Afrika is. Nou, in die middel van 2018, staan ons op 57,73 miljoen mense wat in Suid-Afrika woon,” het Risenga Maluleke, statistikus-generaal van Suid-Afrika, tydens die mediakonferensie in Pretoria gesê.

“In 2017 was dit 56,8 miljoen mense. Ons het sedertdien 1,2 miljoen geboortes gehad en ongeveer ʼn halfmiljoen sterftes.” Wat migrasiesyfers betref, het Gauteng en die Wes-Kaap vanaf 2016 die grootste toestroming van mense beleef met onderskeidelik 1 048 440 en 311 004.

Die grootste gedeelte van Suid-Afrika se bevolking woon in Gauteng met 14,7 miljoen inwoners (24,4%), gevolg deur KwaZulu-Natal met 11,4 miljoen inwoners (19,7%). Die provinsie met die minste inwoners is die Noord-Kaap met 1,23 miljoen mense (2,1%).

Ongeveer 51% [sowat 29,5 miljoen] mense in Suid-Afrika is vroue, 29,5% is jonger as 15 jaar en 8,5% van die bevolking [4,89 miljoen] is 60 jaar of ouer. Die lewensverwagting vir ʼn persoon wat in 2018 gebore word, is na raming 61,1 jaar vir mans en 67,3 jaar vir vroue. Volgens Stats SA neem die persentasie mense wat ouer as 60 is al meer toe.

Maluleke het gesê die bevolkingsberaming is van toepassing op alle inwoners in Suid-Afrika en gegrond op “die jongste beskikbare inligting”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Typical

Waarvan 5 miljoen onwettige immigrante is wat sit en wag vir ‘n WIT PLAAS en besigheid om na hulle kant toe te kom . die ander 40 miljoen betaal nie belasting nie en 17 miljoen van hulle kry grants vanaf die 4 miljoen belastingbetalers . ERENS gaan hierdie somme begin uitbom.

honourable member

Met al die onwettiges trek die syfer seker al by 100 miljoen

Tina

Hoeveel skole behoort gebou te word vir al hierdie kinders? Hoeveel Onderwysers behoort opgelei te word? Hoeveel Amptenare behoort slapelose nagte te hê oor hierdie tameletjie…

jakes

Die syfers aangemeld is nie naastenby naby die werlike syfers nie. Indien jy dit sou verdubbel sal jy min of meer by die waarheid uitkom. Ek sou eerder se dat die jaarlikse aanwas met meer as 2 miljoen toeneem omdat instromingsbeheer baie swak gereguleer word.

EP

Hopeloos te veel mense. Plaas geweldige druk op alreeds skaars hulpbronne. Kan ook onmoontlik werk verskaf vir almal.