‘SA se onderdrukte meerderheid steeds kulturele minderheid’

Minister Nathi Mthethwa. (Foto: Kopano Tlape/GCIS)

Die ANC se fokus op die skuif van beelde tydens die Covid-19-pandemie, is gelykstaande aan die skuif van die dekstoele op die Titanic.

“Die Suid-Afrikaanse ekonomie het ’n enorme inkomste-gaping wat net groter word terwyl die land die hoogste werkloosheidskoers in sy geskiedenis ervaar,” het adv. Anton Alberts, die VF Plus se nasionale voorsitter en lid van die Gautengse wetgewer, vroeër die week tydens ’n debat in die Gauteng-wetgewer oor die transformasie van Suid-Afrika se erfenislandskap gesê.

Teen hierdie agtergrond is dit duidelik dat die ANC sy gebrek aan goeie ekonomiese beleid en uitkomste probeer verdoesel deur werklike brood met simboliese brood te vervang, meen Alberts.

Nathi Mthethwa, minister van sport, kuns en kultuur, het tydens die debat gesê die voorheen onderdrukte meerderheid in Suid-Afrika is steeds ’n kulturele minderheid aangesien apartheid en koloniale simbole en erfenis steeds die landskap oorheers.

Hy het gesê die vraag is dus of alle standbeelde wat as aanstootlik beskou word weens kolonialisme en apartheid vernietig moet word en of die standbeelde net minder prominent moet wees deur hulle na temaparke te verskuif.

Die minister het in die verband ’n taakspan aangestel om die moontlikheid te ondersoek en aanbevelings te maak. Wanneer ’n versoek ontvang word dat ’n standbeeld geskuif moet word, sal ’n openbare konsultasieproses gevolg word waarna ’n besluit geneem sal word.

Volgens Mthethwa sal ’n tribunaal ook op die been gebring word om te besluit watter standbeelde en monumente geskuif moet word.

“Die minister se standpunt dat mense in opstand sal kom indien die erfenislandskap nie transformeer nie, is deur die VF Plus gerepudieer,” het Alberts gesê. “Die waarheid is eerder dat mense in opstand sal kom indien hulle honger bly en werkloosheid nie drasties verminder word nie.”

Die VF Plus glo wel in ’n verantwoordelike erfenisbeleid, sê Alberts. “Sodanige beleid moet voldoen aan ’n paar kernwaardes. Eerstens moet erfenis nie gebruik word om ’n volk of groep te demoniseer nie. Verder moet geskiedenis bewaar word sodat die foute van die verlede nie herhaal word nie.”

Enige erfenisbeleid moet ook die verskillende geskiedenisse, kulture en tale van Suid-Afrika respekteer.

“Indien die waardes ernstig opgeneem en toegepas word, sal ons ’n positiewe toekomsvisie kan skep waar almal mekaar respekteer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Chris dupreez

Is die minister enigsins geletterd ? .

Sarel

Julle Regeer nou al 26 jr en steeds word julle onderdruk…

Grow up

Anel

En dit kos alles geld, al hierdie taakspanne en tribunale en dit is nie eens verteenwoordigend nie. Ons kan ons geskiedenis bewys, wat het hulle? Alles word afgebreek en verbrand. Niks word op gebou nie. En ons weet mos al klaar wat die uitkoms gaan wees?

Kobus

Doen wat julle die beste kan doen agbare minister,vernietig dit!

Juls

As daar in die laaste 26 jaar iets was om op trots te wees, waarom het hulle nie standbeelde en monumente daarvan gemaak om te vertoon nie? Dit is nie die stomme standbeelde se skuld dat hulle ‘n “kulturele minderwaardigheid” beleef nie, BOU DAN JOU EIE KULTURELE STANDBEELDE EN LOS DIE ANDER UIT!