SA se topverkoper-sigaret is onwettig

sigarette

Foto: Sipa/Pixabay.com

ʼn Studie deur Ipsos het bevind dat Suid-Afrika die eerste land ter wêreld geword het om toe te laat dat ʼn onwettige sigarethandelsmerk ʼn topverkoper word.

Verkope van Gold Leaf Tobacco se RG-handelsmerk het alle wettige handelsmerke verbygesteek. Ipsos se jongste studie oor die tabakbedryf het bevind dat die verkoop van onwettige sigarette dramaties toegeneem het ondanks die Suid-Afrikaanse Inkomstediens (SAID) se pogings om dit te voorkom.

Net die aksynsbelasting en BTW op ʼn pakkie van 20 sigarette is R17,85 terwyl die RG-handelsmerk ʼn gemiddel van R10 per pakkie kos en dus die geld wat aan die Inkomstediens moet gaan ontduik. ʼn Hofuitspraak in 2015 het beslis dat sigarette wat vir minder as die minimumbelasting verkoop word, as onwettig verklaar kan word.

Volgens die studie het sigarette wat vir minder as R17,85 per pakkie verkoop word se markaandeel met meer as 25% gestyg in net drie maande.

Ipsos het gesê sigaretvervaardigers wat hul sigarette vir minder as die minimumbelasting verkoop, het hul verspreiding uitgebrei in dieselfde tyd wat die SAID onderneem het om op dié onwettige mark toe te slaan.

Gold Leaf Tobacco verteenwoordig nou 73% van die mark vir onwettige sigarette, volgens Ipsos, en is sterk op pad om die grootste tabakvervaardigingsmaatskappy te word deur verkope in die land. Volgens Ipsos is Gold Leaf Tobacco se grootste mededinger, Best Tobacco Company, en verkoop hul handelsmerk Caesar ook vir gemiddeld R10.

Ipsos se jongste studie is die tweede van sy soort die jaar. ʼn Verteenwoordigende steekproef van 2 058 kleinhandelaars se verkope is geoudit, met behulp van ʼn metodologie wat deur plaaslike en internasionale navorsingsdeskundiges en akademici hersien is. Die navorsing is gedoen op versoek van die Tabakinstituut van Suid-Afrika (Tisa).

“Dit is waardevolle navorsing en moet dringend die regering se beleid en aksies om onwettige sigarette te bekamp aanvoer ten einde die regering se inkomste te verhoog deur middel van belastinginvordering,” het prof. Nicola Theron, besturende direkteur van Econex, gesê.

Ipsos het gesê in die drie maande sedert die eerste studie het tabakprodukte, wat vir laer as die minimumbelasting verkoop word, van 33,1% in Junie gestyg tot 41,8%. Dit beteken dat die SAID nou minstens R8 miljard per jaar verloor.

Francois van der Merwe, voorsitter van Tisa, het gesê die regering moet deeglik besin voordat hy die aksynsbelasting in die wettige mark weer verhoog en totdat hy in staat is om belasting te kry by diegene wat nie betaal nie.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

75 Kommentare

jongste oudste gewildste
Vra vir Tom

Vra vir Tom Mojane, he reken mos hy is die beste SAID komm gewees in donkiejare. Hy het die optrede teen smokkel en nagemaakte sigarette stop gesit, julle sal nog sien hoe kom die zupta konneksie uit

Wonder net

Wil iemand dit regtig stop?
Dit is weer ‘n geval van eerlike besigheid moet die belasting betaal en kan nie op die vrye mark meeding nie.
Wie is die aandeelhouers in Gold leaf?
As die regering regtig wil kan hulle die vervaardiging en verkope stop, Haal produk van die winkelrakke af en verbrand dit.
Nee wat hulle wil dit nie regtig stop nie, liewers belasting weer net verhoog.

Hendrik UAE

R8 miljard wat darem uit korrupte sakke gehou is.Hoop net die rokers gebruik die verskil in prys baie wys………….

Realis

Maak die sigarette goedkoper, verhoog die teer, nikotien en ander giwwe se inhoud, haal waarskuwings van pakkies af en die probleem van sigaretrook behoort binne een geslag van rokers uitgesorteer te wees. Hou hulle net intussen weg van nie-rokers af.

Mickey

Dit voel vir my of niks meer onder beheer is in hierdie land nie. Maar in elk geval rook is so ongesond…hoop maar die mense wat die gewoonte wil afskud kry dit reg.