SA se werkloosheidskoers neem toe

Risenga Maluleke. Foto: ANA.

Die amptelike werkloosheidskoers in Suid-Afrika het in die tweede kwartaal van 2018 met 0,5 van ʼn persentasiepunt toegeneem.

Risenga Maluleke, statistikus-generaal, het Dinsdag in Pretoria Statistieke Suid-Afrika (SSA) se kwartaallikse arbeidsmagpeiling bekendgemaak. Die amptelike werkloosheidskoers staan nou op 27,2%.

Die verslag toon dat die toename in die werkloosheidskoers die gevolg is van 90 000 minder mense wat wel ʼn werk het en ʼn toename van 102 000 in die aantal mense wat tussen die eerste en tweede kwartaal vanjaar werkloos geword het.

Werkloosheid onder die jeug is ook steeds skrikwekkend hoog. Van die 10,3 miljoen mense tussen 15 tot 24 jaar is 31,6 nie in diens of besig met verder opleiding of studie nie.

Die persentasie mense wat reeds te ontmoedig is om werk te soek het ook in dié tydperk met 77 000 tot 2,9 miljoen gestyg.

Maluleke het ook bekend gemaak dat die Suid-Afrikaanse bevolking van werkende ouderdom met 154 000 (0,4%) in die tweede kwartaal toegeneem het.

Volgens Maluleke was daar 22 000 werksgeleenthede meer in private huishoudings terwyl die formele, informele en landbousektore poste verloor het in dié tydperk.

Die vervaardigingsektor het die meeste werke verloor (105 000) terwyl daar groei getoon is in onder meer die vervoer-, konstruksie-, myn- en private huishouding- sektore.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Hetmari

….dis mos wat die doelwit is van minimumlone .. waaroor nou kla?

Francois le Cochon

Net ryk mense, nie die staat, kan werksgeleenthede skep, en dit is juis die rykes wat die land verlaat.

Anoniem

Dis hkm hier so baie crime in S.A is

Siek en sat

Ek so ook moorde, korrupsie, bedrog, plaasmoorde en aanvalle, hongersnood en siektes want ons damme is besmet en en en en en en te veel om op te noem.

Emma

Regering stel net al hoe meer arbeidswette in. Geweet dit gaan gebeur. Al die unies wat so toi toi hul moet begin werk skep.