‘SA skuif nader aan rand van ekonomiese afgrond’

geld ekonomie suid-afrika

Argieffoto.

Dit is duidelik dat die ANC se beleid die land nou finaal tot in ʼn ekonomiese verknorsing gedwing het en dat Suid-Afrika al hoe nader aan die rand van die ekonomiese afgrond skuif.

Só sê TLU SA in aanloop tot die Reserwebank se aankondiging Donderdag oor rentekoerse en Moody’s se aankondiging Vrydag oor die land se kredietgradering.

“Ongeag vele insette en konstruktiewe voorstelle wat oor soveel jare deur die oorgrote meerderheid kundige persone en instansies gemaak is, het die ANC steeds met sy beleid volhard,” het Louis Meintjies, president van TLU SA, gesê.

Meintjies meen die basis van ʼn suksesvolle ekonomie begin by beleggersvertroue. “Dit lei tot ʼn omgewing wat ekonomies gunstig is vir entrepreneurs om in sake te doen, met die doel om wins te maak. Die sukses van so ʼn situasie is wat uiteindelik ekonomiese groei teweeg bring.”

Daar word verwag dat die Reserwebank die rentekoers onveranderd gaan laat. Bianca Botes, tesouriebestuurder van Peregrine Treasury Solutions, meen egter dat die Reserwebank moontlik later vanjaar die rentekoers sal verhoog weens stygende inflasie.

Meintjies meen intussen die regering moet sy ekonomiese beleid hersien en sonder enige onduidelikheid verklaar dat private besitreg en die vryemarkstelsel die basis daarvan vorm.

“Moody’s staan op die punt om Suid-Afrika weer af te gradeer,” sê Meintjies. “Iewers sal die resultate van die praat en beloftes oor die ekonomie deur die regering geëvalueer moet word teenoor dit wat in werklikheid gebeur.”

Volgens Meintjies kan die ANC se inmenging in die ekonomiese proses geensins tot volhoubare sukses lei nie en is die teendeel eerder waar.

“Staak die beleid van swart ekonomiese bemagtiging en fokus eerder op ekonomiese bemagtiging wat alle landsburgers die geleentheid sal gee om onbelemmerd die kundigheid toe te pas wat so dringend nodig is om die skip om te draai.

“TLU SA skaar ons by soveel rasioneel-denkende ekonome wat oor tyd heen gewaarsku het dat dit wat die ANC implementeer, tesame met uitsprake oor onteiening sonder vergoeding en die nasionalisering van die Reserwebank nie ʼn boodskap van vertroue aan graderingsagentskappe stuur nie. Hoe kan dit dan anders as om Suid-Afrika se kredietgradering negatief te beïnvloed?

“Gaan Suid-Afrika se kiesers en veral die groeiende groep werkloses in aanloop tot die verkiesing op 8 Mei uiteindelik die nodige insig hê om te besef Suid-Afrika kan letterlik nie die ANC se beleid bekostig nie? Dit het eenvoudig te duur geraak.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
honourable member

Die hele Afrika lyk so onder hierdie mense se wanbestuur so dis seker net logies dat Suid Afrika dieselfde pad sal volg.

B

Ons maak nog steeds die fout om SA te meet aan Westerse standaarde. 80% van die inwoners besef nie die implikasies (en gee nie om) van hoe die ANC die land vernietig (het) nie.

Tanya

Al afrika lande is n ramp nou gaan Suid Afrika ook n ramp word met spoed gee die land aan die wat weet om n land te beheer .

wilma

En met al bogemelde probleme saam is personeel-afleggings en sluiting van besighede aan die orde van die dag terwyl stakings en eise om hoër lone hoogty vier!

fred

Ons moet maar aanvaar dat Suid-Afrika nou n Afrika land is…en noem my één Afrika land dat beter doen dan die armste West-Europese land… en nou blameer apartheid en kolonisasie of wat ook,dit sal niks aan die situasie verander nie….Malaysie,Singapore ,Vietnam en selfs China het kolonisasie geken en kyk waar hulle nou ekonomies is….met die regte beleidsmakers kan dit gedoen word wat ook hulle verlede was….maar lyk vir my die Afrika wil maar nie leer nie…