SA span toets renosterhorings wat in Mosambiek gevind is

Argieffoto

Argieffoto

ʼn Taakspan teen renosterstropery in die Krugerwildtuin toets tans DNS-monsters van ʼn groot aantal renosterhorings wat in Mosambiek gevind is om te bepaal of dit die horings is van renosters wat in Suid-Afrika gestroop is.

Lt.genl. Solomon Makgale, woordvoerder van die polisie, het gesê die Mosambiekse owerheid het twee weke gelede op 124 kg renosterhorings en 1 126 kg ivoor beslag gelê. ’n Chinese burger is intussen in verband met die voorval in hegtenis geneem in Mosambiek. Die geskatte waarde van die renosterhorings en ivoor is R65 miljoen.

Volgens Makgale het die taakspan van SANParke na Matola in Mosambiek gereis en DNS-monsters van al die renosterhorings geneem. Makgale het gesê daar word vermoed dat van die horings aan renosters behoort het wat in die Krugerwildtuin doodgemaak is.

Makgale het gesê die taakspan het tussen Julie 2014 en Mei 2015 altesaam 133 mense in hegtenis geneem in verband met renosterstropery. Hy het gesê daar is minstens 34 mense tussen 2010 en 2015 gevonnis in verband met renosterstropery.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Ampie ·

Wat gaan die dns toetse bewys? Dis tog net SA wat ‘n paar renosters oor het. Meer as duisend word jaarliks gedood.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.