SA studente glo in Kuba geklap, rondgepluk

‘n Skermgreep van die video op News24.

’n Ondersoek is gelas nadat ’n groep Suid-Afrikaanse studente na bewering hardhandig deur die polisie in Kuba behandel is.

Video’s van ’n konfrontasie tussen die studente en Kubaanse polisiebeamptes is vandeesweek op sosiale media gedeel. Daar kan in die video’s onder meer gesien word hoe manstudente deur mans in uniform geklap en rondgepluk word terwyl ander gillende studente toekyk.

Die video’s is intussen van sosiale media verwyder.

In ʼn video wat aan News24 verskaf is, kan gesien word hoe ’n manstudent vermoedelik in ’n koshuis op ’n bank sit, terwyl sy hande agter hom vasgebind is.

Twee mans in uniform klap hom op onder meer sy bors voordat hy weggeneem word en hulle na twee ander manstudente beweeg. Dié mans word dan deur die gesig geklap en hardhandig behandel terwyl ander studente toekyk en skree. Daar kan onder andere ook gehoor word hoe ’n vroulike student “voetsek” skree.

Die departement van gesondheid het intussen bevestig dat sommige van die persone wat in die video’s verskyn, inderdaad Suid-Afrikaanse studente is wat in Kuba studeer.

Volgens die departement werk hy nou saam met die departement van internasionale betrekkinge en samewerking (Dirco) om die omstandighede rondom die video’s te ondersoek.

“Die bevindinge van die ondersoek sal aan al die betrokke partye, waaronder die families van die studente, gekommunikeer word,” het Foster Mohale, woordvoerder van die departement van gesondheid, gesê.

Die adjunkminister van gesondheid, dr. Sibongiseni Dhlomo, het intussen ’n beroep op die publiek gedoen om nie die video’s te sensasionaliseer nie, aangesien dit moontlik die families van die studente sowel as die diplomatieke betrekkinge tussen die Suid-Afrikaanse en Kubaanse regering kan benadeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
Robert

Dink hulle die Kubane gaan iets oorkom na ‘n ondersoek? Lagwekkend.

VaalDonkie

Kyk, ek weet nie wat daar gebeur het nie, maar studente (van alle kleure) het gewoonlik ‘n paar klappe nodig.

Wielspore

Daar is ‘n partytjie gehou in ‘n gebou waar studente bly, die SA studente is gevra om die musiek af te skakel omdat ander studente in dieselfde gebou tans besig is om te studeer. Daar is nie gehoor gegee aan die versoek en die musiek is nie afgeskakel. Die polisie is geroep om die saak uit te sorteer en dit wil voorkom of die SA studente rammetjie uitnek was met die Polisie en gevolglik so handteer is. As jy jou sleg wil gedra moet jy dieselfde optrede verwag.

Misky

Goed so, dis nie SAPS nie en julle kan nie daar maak soos julle wil nie

Pablo

Ek wonder wie betaal vir hulle “studies”.