SA troepe uit Soedan onttrek

Argieffoto

Argieffoto

Pres. Jacob Zuma het Woensdag aangekondig dat hy Suid-Afrikaanse soldate uit Darfoer in Soedan gaan onttrek.

Zuma het bekend gemaak dat nagenoeg 800 soldate, wat sedert 2004 deel vorm van ʼn vredesending in die gebied van die Afrika-unie (AU) en Verenigde Nasies (VN), onttrek sal word.

Zuma het in ʼn verklaring gesê die soldate sal teen 1 April die gebied verlaat. “Die president bedank al die lede van die weermag vir hul bydrae tot die totstandkoming van vrede in Darfoer,” lui die verklaring.

Zuma het geen rede verskaf vir sy besluit nie. Sy siening dat daar vrede heers, is egter ooreenstemmend met dié van die Soedannese regering. Die VN het egter sy kommer uitgespreek oor voortdurende konflik in die gebied, veral in die bergagtige Jebel Marra-streek. “Aanvanklike berigte dui daarop dat ongeveer 19 000 burgerlikes na Noord-Darfoer gevlug het en 15 000 na Sentraal-Darfoer,” het die VN gesê.

Helmoed Romer Heitman, ʼn militêre kenner, meen daar is goeie redes om die soldate uit Darfoer te onttrek. Hy het gesê die weermag is reeds onder druk, enersyds finansieel en andersyds omdat daar te min voetsoldate is weens ontplooiing van troepe in die Demokratiese Republiek van die Kongo (DRK), Darfoer en grensbeskermingseenhede. “Daar is konflik nader aan die land wat ʼn groter strategiese belang vir Suid-Afrika inhou, soos onder meer die onstabiliteit in Burundi en die voortgesette mislukte staatsituasie in die Sentraal-Afrikaanse Republiek,” het Heitman gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Kaspaas

As ek nou geglo het in ” conspiracy” sou ek gewonder het of dit te doen het met wat tans aangaan in die land.

marous

Ontplooi hulle by die universiteite…nee wag , dis dalk te gevaarlik vir hulle,netnou moet die sekuriteit hulle ook beskerm!

Anoniem

Snaaks..Suid Afrika sal aan ander lande SA troepe verskaf vir veiligheid..maar wat ons eie land… Dit se ook baie…want kyk wie breek alles, wie brand alles af, wie wie alles verniet he, wie se taal moet gaan…Kyk dan verder, wie leef veilig!!!!!

alida

Marous ek dink dieselfde. Span die weermag in om hierdie klomp in toom te hou en weg te hou van die Universiteit en skole. Afrikaaanse skole gaan hulle volgende teiken wees.

m

Interessante skuif…. Soedan is lank genoeg opgepas, laat hulle mekaar in vrede uitmoor. Dis tyd om die chaos hier op te los.