Suid-Afrikaners is nou 116de op die lys van gelukkigste mense ter wêreld. Dis nou volgens die jongste World Happiness Report wat saamgestel word deur die Earth Institute van die Amerikaanse Columbia-universiteit. Verlede jaar was Suid-Afrika 113de op dié lys.
Die jongste verslag is verlede week in Rome bekendgemaak.
Die eerste World Happiness Report is in 2012 gepubliseer en dié verslag word saamgestel uit data van die Gallup World Poll wat gegrond is op ʼn meningspeiling.
Faktore soos die lande se bruto nasionale produk (BNP), maatskaplike dienste, lewensverwagting, keusevryhede, vrygewigheid en persepsies van korrupsie is gemeet om die indeks op te stel.
Die verslag sluit 156 lande in en wêreldkenners in velde soos ekonomie, sielkunde, nasionale statistieke, gesondheid en openbare beleid was betrokke by die peiling.
Volgens die World Happiness Report is Denemarke nou die gelukkigste land ter wêreld – dis nou nadat Switserland onttroon is. Switserland is nou in die tweede plek en Ierland derde.
Volgens die World Happiness Report is die 20 gelukkigste lande:
- Denemarke
- Switserland
- Ysland
- Noorweë
- Finland
- Kanada
- Nederland
- Nieu-Zeeland
- Australië
- Swede
- Israel
- Austria
- VSA
- Costa Rica
- Puerto Rico
- Duitsland
- Brasilië
- België
- Ierland
- Luxembourg
Bron: World Happiness Report
Die regering van SA is nou baie happy hulle se ons staan op die EERSTE plek van happiness van ONDERAF.
Wow dit moet gevier word.
Wonder net wie is in beoordeeling geken is seker ook omgekoop
116 e moet ons van die ongelukkigstes op aarde wees…
Maroela julle meen seker Ysland is derde op die lys? Wow 116de is amper soos ons sokker ranglys.. lyk vir my ons regering verstaan nie mooi hoe ‘n lys werk nie…
Whoops hier gaan ons al weer veels geluk met die prestasie
Nommer 12 moet seker Oostenryk wees. Of dan ten minste Österreich. Dis spanne beter as Austria.
Miskien moet die lesers dit toets met ‘n peiling?
onthou net dat petrol tot R25 per liter in baie van daardie gelukkige lande kos. En ek het al met mense van daar gepraat: selfs hulle kla dat dit buitensporig duur is. So as die gras groener aan die anderkant van die draad is, is dit oor daar ook maar klomp bollie op daardie gras lê…
Our petrol in Switzerland is 25 Rand a liter but our salaries is also far higher than in SA. The minimum wage here is 4 ‘000.– Swiss Frank’s = 68’000.–Rand, so you can’t compare .