SA vroue, dogters ‘leef in vrees’, sê Ramaphosa

Pres. Cyril Ramaphosa aan die woord tydens Vrouedag. (Foto: GCIS)

Pres. Cyril Ramaphosa het vandag in sy Vrouedag-toespraak in Vryburg in Noordwes gesê geslagsgebaseerde geweld is ʼn krisis in Suid-Afrika.

“Dit is die ergste vorm van ontheiliging van die Grondwet en die belofte van geslagsgelykheid,” het die president in sy toespraak gesê.

“Ten spyte van ons beste pogings en progressiewe wette leef die land se vroue en dogters in vrees. Op die strate, in skole en universiteite, in kerke en erger nog, in hulle huise.”

Volgens Ramaphosa noop die verskynsel van geweld die regering voortdurend om op te tree teen geweld teen vroue. Dié pogings sluit in wetgewing, die oprig van gespesialiseerde howe en polisie-eenhede asook die oprig van skuilings vir slagoffers.

Pres. Cyril Ramaphosa tydens vandag se Vrouedagvieringe. (Foto: GCIS)

“Ons moet erken, soos in die verlede, dat die hardnekkige volharding van patriargie daartoe lei dat mans dink hulle beter as hul moeders, hul vroue en hul dogters,” het Ramaphosa gesê.

Die president sê dit beteken dat baie mans glo hulle het die reg om te besluit hoe vroue moet optree en of dogters skool toe mag gaan of nie. Hy sê dat dié denke geweld teen vroue aandryf.

“As Suid-Afrikaners kan ons nie langer toekyk hoe hierdie boosheid al sterker in ons samelewing gedy nie,” het Ramaphosa gemaan.

Die president het in sy toespraak gesê ʼn komitee spesifiek vir geslagsgebaseerde geweld gaan binnekort begin met beplanning vir ʼn nasionale strategiese plan om dié vergrype te bekamp. Die departement van justisie is ook besig om die nasionale beleidsraamwerk vir die beheer van seksuele misdade aan te pas.

Die regering hersien ook die Wet op Gesinsgeweld om vroue en kinders in huishoudelike geweld beter te beskerm deur middel van beskermingsinterdikte.

Ramaphosa het benadruk dat Suid-Afrikaners moet afsien van die algemene houding dat seuns belangriker as meisies is. “Ons almal het ʼn verantwoordelikheid om ʼn einde aan geslagsgebaseerde geweld te bring,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Gert van Wierdapark

My kommentaar is: Sy Vrouedag boodskap is nou goed en wel, maar ons almal in SA leef in vrees mbt wat die Kakistokrasie NOG vir ons kan/gaan inhou, voordat Plan B (as hul een het), gaan in skop!!!

John

… en die mammies sit die saal vol, die werkplekke vol, die politieke saamtrekke vol, en die busse vol saans laat na werk en wie kyk na die kinders? Nou moet kleuters vanaf 4 jaar mekaar grootmaak, kinders wat skaars hul moeder- (wie is dit?) -taal verstaan, aansukkel in Engels en self van doeke verwissel… oei?.. Chaos wag vir hierdie vooruitstrewende dwase spul Suid-Afrikaners.

Antoon

Interessant hoe hulle praat asof hulle nie vanaf 1994 in charge was nie

Gert van Wierdapark

Hul was “in charge”, maar verpas toe die trein en haal toe die ander een = die sous-trein!

Cherokee

As Ramapokker nou hier gelees het, sou ek hom daarop gewys het dat terwyl daar wel Louisa en Kobus Koekemoers bestaan, wat ‘n druppel in ‘n emmer is, dìt wat hy in die gesigs staar en aanspreek, is waarvoor hy hierdie land wil oorgee (oftewel reeds oorgegee het), en die vroue massa anc’s stem daarvoor. Daar is min verskil tussen hulle en die moslem wat op die strand loop met sandale en denims, terwyl sy vrou vyf treë agter hom volg, met ‘n sluier en (in hierdie warm son) ‘n rok wat selfs haar enkels bedek.