Saak oor ou SA vlag dán in hof

Die ou Suid-Afrikaanse vlag.

Die Nelson Mandela-stigting het Maandag aangekondig dat sy saak om die ou Suid-Afrikaanse vlag tot haatspraak, onregverdige diskriminasie en teistering te verklaar in April in die gelykheidshof aangehoor sal word.

Dié saak sal op 29 en 30 April aangehoor word. Dít volg nadat die stigting die gelykheidshof in Maart verlede jaar versoek het om die tentoonstelling van die ou Suid-Afrikaanse vlag tot haatspraak, onregverdige diskriminasie en teistering op grond van ras te verklaar.

Die stigting het in ʼn verklaring gesê die tyd het aangebreek om te erken dat die ou vlag ʼn simbool van ʼn misdaad teen die mensdom was en dat die tentoonstelling daarvan dié misdaad vier en swart Suid-Afrikaners verneder.

“Dit is belangrik dat die Wet op die Bevordering van Gelykheid en Voorkoming van Onbillike Diskriminasie gebruik word as ʼn instrument om sulke gedrag te ontmoedig,” lui die verklaring.

Volgens die stigting is die burgerregte-organisasie AfriForum egter gekant teen hul versoek op grond daarvan dat dit inbreuk sal maak op Suid-Afrikaners se reg op vryheid van uitdrukking.

Die Menseregtekommissie ondersteun wel die versoek. “Die stigting sluit die Grondwet se reg op vryheid van uitdrukking in. Dit is ook van mening dat Suid-Afrikaners die grondwetlike perke op dié reg moet respekteer en mekaar se reg op waardigheid moet beskerm,” het die stigting gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

107 Kommentare

jongste oudste gewildste
Agge Nee

Hoe de hel kan een vlag mense so verskriklik bang maak?

Blaarman

Die plant van bomme wat burgerlikes teiken en in flarde blaas behoort ook as ‘n misdaad teen die mensfom verklaar te word, en daarmee saam die vlae en regalia van die ANC, SAKP en Umkhonto we Sizwe.

Niek

Ek is seker daar is negatiewe assosiasie. Is daar iets sinistêr? Ek twyfel. Dalk nie verteenwoordigend. Al word dit verbied, gaan dit niks verander. Harde werk gaan verandering bring. Verskonings vir nonprestasie gaan niks help nie.

wow

in die geval: die vlag van UK, die Duitse vlag, vlag van Rusland, China val dan ook onder hierdie kategorie. ironies ne?

Swartwolf

Mooiste vlag ooit. Onder die vlag op aandag gestaan. Die vlag gesalueer. Die vlag se lied gesing. Daar is nie ‘n ander vlag nie.