Saak oor ‘wittes moet opgekap word’

velaphi-khumalo-facebook-post

‘n Skermskoot van Velaphi Vel-hova Khumalo se Facebook-kommentaar. Foto: Verskaf

ʼn Jong man van Kaapstad het ʼn saak van crimen injuria aanhangig gemaak teen ʼn Facebook-gebruiker wat glo op sy profiel gesê het wittes verdien om “soos die Jode opgekap en doodgemaak te word”.

Daniel Amos (21) het die saak teen Velaphi Vel-hova Khumalo aanhangig gemaak nadat hy glo die kommentaar Maandag op sy Facebook-profiel geplaas het in reaksie op die Penny Sparrow-debakel. Khumalo het skynbaar die kommentaar sedertdien verwyder, maar wel ʼn dag gelede geskryf hy is nie jammer oor sy kommentaar nie en dat hy nie “wit mense sal toelaat om ons te versmoor met hulle haat vir ons oor die afgelope aantal jare nie”.

Khumalo het glo verder gesê hy wil Suid-Afrika “reinig van alle wit mense soos Hitler met die Jode gedoen het”. “Wit mense in Suid-Afrika verdien om opgekap en doodgemaak te word. Julle moet lewend afgeslag word en julle nageslag moet as tuinbemesting gebruik word.”

Amos het Woensdag aan Maroela Media gesê hy het die saak by die polisie aanhangig gemaak – nie net omdat dit rassisties is nie, maar ook omdat dit geweld aanhits. “Hierdie man vra vir die volksmoord van ʼn hele bevolkingsgroep. Dit is absoluut walglik. Ek het nie eers woorde om te beskryf hoe ek hieroor voel nie,” het hy gesê.

'n Skermskoot van Velaphi Vel-hova Khumalo se Facebook-kommentaar. Foto: Verskaf

‘n Skermskoot van Velaphi Vel-hova Khumalo se Facebook-kommentaar. Foto: Verskaf

“Ek kan nie glo meer as twee dekades nadat apartheid tot ʼn einde gekom het, sien ʼn mens nog sulke uiters rassistiese uitsprake nie. Dit is baie ontstellend.”

Volgens Amos het polisiebeamptes hom reeds by die stasie ingelig dat hulle twyfel of daar enigiets van die saak gaan kom. “Hulle het gesê hulle sal hulle bes doen, maar hulle twyfel of daar enigiets daarvan gaan kom aangesien daar nie spesifieke wetgewing is wat rassisme verbied nie,” het hy gesê.

“Ek vind dit baie interessant dat daar so ʼn geweldige reaksie van talle politieke partye en ander instansies was nadat Penny Sparrow rassistiese kommentaar op Facebook geplaas het, maar oor [Khumalo] se kommentaar rep niemand ʼn woord nie. Moet my nie verkeerd verstaan nie, wat Sparrow gesê het, was walglik en onaanvaarbaar. Hierdie [Khumalo se] kommentaar is net so rassisties en boonop ʼn aanhitsing tot geweld, maar hieroor is die DA en die ANC tjoepstil? Ek het vir die DA ʼn direkte e-pos gestuur en die ANC by twiets oor die saak ingesluit, maar niemand het nog ʼn woord gesê nie.”

Amos het gesê hy het ook ʼn boodskap op Facebook aan Khumalo gestuur waarin hy hom inlig dat hy ʼn saak teen hom aanhangig gemaak het, maar Khumalo het nie op die boodskap gereageer nie.

Lt. kol. André Traut, Wes-Kaapse polisiewoordvoerder, het bevestig dat die saak aanhangig gemaak is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

66 Kommentare

jongste oudste gewildste
Theresa B

10 uit 10 vir hierdie jongman. Nou sal ons sien wie doen wat…………………………….

Jacques de Beer

Is dit nie tragies dat dit net as rasisties gesien word wanneer wit iets oor enige ander ras te sê het maar wanneer jy praat van mense opkap en lewendig skil en hul kinders as kompos gebruik dit aanvaarbaar is solank dit net teenoor blankes gerig is? Skokkend om die minste te sê!

anoniem

Sy hele facebook blad spreek van rassisme tee blankes!!!!!!!!!!!!…Dink die profiel moet heeltemal verwyder word van facebook……………………………….

jacques

Shame…arme ding. Miskien moet hy terug skool toe om te gaan leer spel en skryf…of dalk is hy ook een van die agtergeblewenis wat sy matriek gekry het…mahalla…van die anc af. Hy moet lig loop vir die “minority” …..hy kan dalk eersdaags haaikos word.

Leonie

Die Handves van Regte dui aan dat propaganda vir oorlog onwettig is, en dit is die uispraak wat gemaak is.