Saak teen advokaat se weduwee teruggetrek

Mientel en Leon Nortier (Foto: Leon Nortier/Facebook)

Die saak teen die weduwee van die vermoorde Kaapse advokaat Leon Nortier is voorlopig teruggetrek sodat verdere ondersoek gedoen kan word.

Mientel Nortier is in Julie verlede jaar aangekla van die moord op haar man, Leon (59), kort nadat hy in die egpaar se huis in Table View doodgeskiet is.

Eric Ntabazalila, woordvoerder van die Nasionale Vervolgingsgesag (NVG), sê nou die saak teen Nortier is voorlopig teruggetrek vir verdere ondersoek.

Nortier is verlede jaar kort ná haar inhegtenisneming vir sielkundige waarneming gestuur voordat sy op borgtog vrygelaat is. Die saak is daarna verskeie kere uitgestel omdat die ondersoek nog nie afgehandel is nie.

Leon, oorspronklik van Despatch in die Oos-Kaap, het voor sy dood langer as twee dekades as advokaat gepraktiseer. Hy het ook vroeër as staatsaanklaer gewerk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

marius ·

Hoe kan iemand gearresteer en aangekla word terwyl daar nie voldoende getuienis is nie ? Diegene wat die besluite neem het duidelik geen idee wat straf en bewysreg behels nie . Pateties !

Lillian ·

Nou dan moet die polisie hul ondersoek uitbrei … dit kan tog sekerlik nie net hier stop nie. Dalk is sy indirek betrokke deurdat sy iemand gehuur het om hom te laat vermoor.

Casper ·

Sovêr ek weet mag sy nie vir moord aangekla word as sy iemand gehuur het nie maar sameswerings om moord te pleeg.Dit blyk dat sy nie op die toneel geplaas kan word tydens die moord nie en ook nie verbind kan word met die moord nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.