SAB begin miljoene liter bier stort

(Argieffoto)

SAB het reeds begin om 6,5 miljoen liter bier te stort nadat geen ooreenkoms nog met die regering bereik kon word oor die vervoer van alkohol tydens die landwye staat van algehele afsondering nie. Dit is nagenoeg 20 miljoen bottels bier.

SAB het in dié stadium sowat 132 miljoen liter bier – oftewel sowat 400 miljoen bottels – wat klaar gebrou is en in tenks lê. ʼn Brouery kan net ʼn sekere hoeveelheid gebroude bier stoor. Wanneer dié hoeveelheid bereik word, moet die bier na ʼn stoorfasiliteit geskuif word.

Dit is dié verskuiwing wat tans nie toegelaat word nie, het Zoleka Lisa, SAB se adjunkpresident vir korporatiewe sake, Vrydag gesê.

Dit is onduidelik hoekom dit nie toegelaat word nie, omdat die vervoer van wyn vir uitvoerdoeleindes wél ingevolge die afsonderingsregulasies toegelaat word.

Die afstand wat SAB wil aflê om die bier van sy brouery na een van sy bergingsfasiliteite te vervoer, is ongeveer 500 m, het Lisa gesê.

Volgens haar het SAB drie dae kennisgewing voor die afsonderingstydperk gekry om sy bedrywighede tot stilstand te begin bring. In daardie stadium was daar reeds miljoene liter bier in die brouproses. Die proses kan nie summier gestaak word nie en die klaar gebroude bier moet nou verskuif word – óf dit moet gestort word.

“As ons die bier moet weggooi gaan dit ons naastenby vier maande neem om weer ons volle kapasiteit te bereik, omdat daar ʼn spesifieke proses is wat gevolg moet word om die bier te stort.

SAB het op 23 Maart reeds opgehou om enige nuwe bier te brou. Net minder as twee weke later is die verbod op die vervoer van alkohol boonop afgekondig.

“Ons probeer in dié stadium bloot ons voorraad beskerm. Ons vra nie om handel te hervat nie, maar as die vervoer vir uitvoer moontlik is, pleit ons dat dieselfde vervoer vir bergingsdoeleindes toegelaat moet word,” het Lisa gesê.

Sy het gesê SAB het reeds ʼn onderneming gegee dat hy die veilige vervoer van die voorraad sal verseker en alle veiligheidsmaatreëls sal tref om die verspreiding van Covid-19 te voorkom.

Sou al 132 miljoen liter bier eindelik gestort moet word, sal dit ʼn verlies van R150 miljoen in voorraad vir SAB beteken, asook ʼn verlies van R500 miljoen in aksynsbelasting vir die regering.

Lisa het gesê die regering het nog nie terugvoer oor die kwessie gegee nie.

Kenners het intussen gewaarsku dat die verbod op alkohol die bedryf in die hand van misdadigers kan dwing. Sigaretverkope is ingevolge die afsonderingsmaatreëls ook verbode – wat talle mense nou dwing om onwettig sigarette by smokkelaars te koop.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

51 Kommentare

Genis ·

Dis hartseer… die regering het ongelukkig nie n benul hoe hulle maatskappye beinvloed nie.. Moet my nie se hulle kannie mense ransoeneer nie? Sit kwotas in..dis maklik…

Jaco ·

Hierdie hele lockdown affere begin my nou NAAR MAAK!! Dit was nie die ooreenkoms nie!! Daar is 21 dae van ons gevrae om voor te berei vir dit wat kom en toe NOG twee weke, en dis nou NOG n week later en daar is nie n einde in sig nie!! Ek het geen inkomste al vir twee maande nie en is onder huis ares, al my regte is my ontneem, ek mag nie eens n drankie drink om my te kalmeer nie!!! Oor n maand sal ons nie meer geld oorhê om kos te kan koop nie, en was ons n eens vooruitsrewende sake gesin, ons noodfonds waarin ek nog altyd geglo het is amper uitgeput, ek kan nie my bates gaan verkoop nie want huidiglik is als amper niks werd nie. Ons gaan iets moet doen!!!! Dit kan nie so aangaan nie!

Anoniem ·

Luister na Twisted Sisters se liedjie “we’re not gonna take it”

Vettiemaragartos ·

Ai maar die mense leef heerlik in hulle bubble! Daar word laaaaaaankal met drank gewoeker op die swartmark!!!!

Chris ·

Dit is so en mense stook hulle eie brousels maar steeds kan SAB nie hulle oordentlike drank verkoop nie.

Genis ·

Hulle laat 14000 tronkies uit op parool, maar ons mag nie bier geniet nie… maak dit sin?

Co ·

Onthou, volgende jaar is daar weer verkiesing hier! Jy stem nie vir die “regte” party nie, daarom maak hulle jou lewe suur!

Burgermeester ·

Die regering is só nougeset in hulle ideologie, dat hulle nie die breë implikasies sien of verstaan wat voortspruit uit hul swak bestuur en onkunde nie. Dit is nie nét bier wat met die afvoerstelsel af vloei nie, dit is ook die brood nodige belasting inkomste wat verkry kan word deur die verkoop van die produk wat daarmee heen is.

marius ·

Hulle weet presies wat hulle doen . Laat die plekke bankrot raak en gee dit dan verniet aan die wat hulle belowe het . Dis die waarheid .

Emily ·

Ons regering weet nie wat hulle doen nie. Lyk my almal daar se brein is aangetas. Dink vir n slag.
Hoeveel van ons sit in die proses om ons werk te verloor, Gee hulle om, Nee want hulle maak genoeg geld deur korrupsie ens.

Misky ·

Ek huil sommer nou en al daai bier wat gemors word en ek smag na n koue bier!!!!

Jaco ·

selfs die ou testament van die Bybel, wat 2500 jaar gelede reeds so te se klaar geskryf was, noem dat wyn BETERword soos wat die verouder. so dis baie vreemd dat SAB die reeds gebroude bier wil weggooi.

Jessey ·

Hi Jaco, dit gaan meer oor die berging as enigiets anders. Hulle kan dit nie in die tenks hou nie. Dit moet gebottel word en dan in ñ pakhuis kom. Hulle kan dit nie na die pakhuis toe vat nie want die pakhuis is 500m weg van die brouery af.

Co ·

Sommige wyn mag miskien beter word maar bier het ‘n raklewe voordat die “flat” raak, geen meer “carbonation” nie. Dus die “borreltjies” is nie meer daar nie.

Elise Georgina Irene ·

Ek dink dis absoluut kortsigtig van die regering om besighede so te ondermyn onder dekmantel van Covid 19. Die land EN sy mense sal almal bankrot wees aan die einde van die dag. Ek dink daar word totaal oorreageer t.o.v. covid – wat fan diabetes, griep, kanker, selfmoord, vrugafdrywing, moord ensomeer wat almal meer lewens eis as Covid??? Die regering gaan pa (of sal ek sê ma?) moet staan vir die hele affêre…

Kosie ·

So kan dit tog nie aangaan nie? Verset het gewerk vir die e-tol. Is dit nie hoogtyd vir verset teen die waansin nie?

Jurg ·

So vermors regering alles môre huil hul daar is nie meer geld nie. Vlg gaan die pensioen fonds geteiken word.

Adam Adriaan ·

Ja en hoekom mag die SAB nie die bier na stoorplek verskuif nie. Dit is in opdrag van die Prison Warders en die Brotherhood. Nou kort nog net die merk van die dier en dit is nie meer lank nie. Onthou dit!!!

Anel ·

Stel siviele eis in teen die regering. Maar nou ja, die komuniste kan mos maak wat hulle wil.

Remlut ·

Dit is hoekom hulle nie een entiteit suksesvol kan bestuur nie, ek het al gesien hoe stamp hulle n voertuig en dan lag hulle daaroor, verstommend.

Wondermaarnet ·

Hulle kan ‘n paar miljoen liter by my kom stoor sodra hul mag drank vervoer.

Co ·

Letterlik by die drein af, een helse stortvloed, het dit al gesien. Nie ‘n mooi prentjie nie!

andre ·

Die probleem met ons regering is dat almal te stupid is om te weet hoe n ekonomie werk..en te dom is om te verstaan waar die staat sy geld vandaan kry..wat help dit jy red mense van dood en los hulle met n leeftyd van swaar kry..

Yolandie ·

Drank het my nog nooit gepla nie. Maar dis absolute waansin om die klomp brier so weg te foeter. Saam met die bier wat weg gefoeter word is daar hoeveel mense wat hulle werk gaan kwyt wees na hierdie oefening.

Jessey ·

Korrek en SAB hetbal begin praat van afleggings vooor di lockdown

Atta ·

Ontrek die alkohol uit die bier, skenk die alkohol vir die vervaardiging van handreiniger en verkoop die alkoholvrye bier.

Toy ·

Wie gaan hulle verlies betaal, dit is ‘n inkomste vir hulle wat nou gemors word.

Alida ·

Ek dink eerlikwaar die inperking help nie. Maak die hekke oop dat elke persoon vir homself verantwoordelik is. Sommige mense besef nie die gevaar nie en steur hul in elkgeval aan geen regulasies nie. Die land is bankrot maar die Dr kopdoek gooi R35m PER DAG weg met haar sinnelose redenasies. Dit is elke mens se reg om self te besluit of hy wil rook of nie.

PieterP ·

Dit is die staat se geld wat sy weggooi dit skeel haar min. Solank as wat haar verkope uit Golden Leaf tobacco en ander klein Zuma se Amalgamated tobacco op die swartmark floreer maak sy genoeg geld vir haar en uitgebreide familie om af te tree

Andre ·

En hoeveel drank word verorber by staats funksies wonder ek. En by dié etes.

Cherokee ·

‘n ‘Vlugteling’ uit Liberië het my vanmôre ‘n bottel brandewyn aangebied as ek vir hom toelaat om ‘n voertuig te stoor in eiendom waar ek hom voorheen verbied het. Sal ‘n drankie geniet maar ek is nie sò lus daarvoor dat ek van mening sal verander nie. Eintlik vertel ek net daarvan om te sê dat drank steeds beskikbaar is, maar teen ongehoorde pryse.

MakersMark ·

Die spul lockdown hansworse in beheer van die land WIL die hele ekonomie, en veral besighede, vernietig. Ongelukkig gaan our people baie werk verloor.

Adam Adriaan ·

Dit is die hoof doel van die media gedrewe histerie. Om die beheer oor die massas te verskerp. Al die mense arm en afhangklik van die staat te hou, sodat die Elite in weelde kan leef en mag behou.

Chris ·

Ek moet eerlik se die regering se visieloosheid verbaas my. Hulle is magsbehep en rassisties. Ek is so dankbaar dat ek nie n ondersteuner van die regering is nie.

Cherokee ·

Die 3de laaste paragraaf se syfers is verbrou, want die regering maak beslis nie meer as 3 keer soveel uit die bier as die brouery self nie.

Marthinus Johannes ·

500 meter, is dit buite SAB se kompleks of nie,. As dit binne is hoekom toestemming kry. As dit so baby is hoekom is daar nie lankal n pypleiding na die stoorplek toe met afsluit krane nie. EN ja, due regering weet presies waarm hulle besig is al verloor hulle hierdie geld. Daar is genoeg belasting geld en skenkings om al hulle skemas aan die gang te hou.

Sandra ·

Is die klomp wat besluite neem dan breindood? Dis net so goed SA geld word in die drein afgespoel. Hoekom nie vervoer nie? Gaan my verstand te bowe. Magsbeheptheid. ????

Hansie slim ·

Om hulle eie voorraad 500meter te skuif?.
Dis belaglik!!! Besef hulle die verlies??
Skuif net en kry klaar!!!

Co ·

Gelukkig brou ek my eie bier, net vanoggend weer ‘n heerlike Belgiese Pale Ale gebrou! En dit kos my dieselfde as ‘n plonk ou lager wat die publiek by Makro koop.

Die Wolf ·

Wat se die groenes oor die storting. Is dit nie n omgewings oortreding nie?

San 7 ·

Ja en hoeveel mense gaan agv dit hul werk verloor. En die presidente se altyd hulle gaan 5000 poste skep en wat doen hulle nou….. Miljoene verloor hul werk nou. Wie besluit daaroor. Almal moet maar net gereeld hande was en jou masker dra om te probeer gesond bly

Wielspore ·

Die situasie is eintlik anders en die lockdown het bydrae gelewer tot die oormaat bier. Familie van ons werk by ‘n groothandel drankwinkel en nog voor die lockdown was daar ‘n “oversupply” van bier en die vervaardigers wou nie voorraad terug vat. Ten spyte van afslag pryse het die voorraad nog steeds nie verkoop. Ons self het 3 kaste bier gratis gekry en teen die einde van die dag is die hele batch gratis weg gegee. Dit was ‘n maand en ‘n half voor lockdown.

Daar is heelwat besighede wat Covid 19 blameer vir hulle ondergang maar in werklikheid was dit swak besigheids bestuur. Die fabrieke sal eerder die bier uitgooi as om dit te stoor en later gratis weg te gee.

Marius ·

Partykeer is dit beter om net te sit en te wonder as om n woord te se

Niklaas ·

Dis so sinneloos. Ek het groot groep vriende wat gratis sal help verwyder, stoor en natuurlik verbruik aan oortollige opgehoopte voorraad. Ons eie voertuie sal ingespan word. Ons is begerig, vol ywer en entoesiasme om te help. Gee net die oodrag. Ons wag in spanning

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.