SABC2 beboet oor Swartwater-sekstonele

swartwater1-e1394474868714Die Onafhanklike Kommunikasie-owerheid van Suid-Afrika (Okosa) het SABC2 met R10 000 beboet nadat eksplisiete tonele sonder waarskuwing tydens die heruitsending van die Afrikaanse dramareeks Swartwater gewys is.

Okosa het bevind dat hoewel die dramareeks self nie ‘n ouderdomsbeperking verg nie, die tonele van intieme gesoenery en geïmpliseerde seks van so ‘n aard is dat dit later uitgesaai moes word of daar kennis gegee moes word dat dié tonele nou uitgesaai gaan word.

Cheryl Coetzer het die klag by Okosa aanhangig gemaak en gesê hoewel haar gesin nie Swartwater kyk nie, hulle wel die nuusbulletin voor dit kyk.
Coetzer sê op die aand van 29 April het sy egter nie onmiddellik die kanaal verander nadat hulle die nuusbulletin gekyk het nie.

“Hulle het ‘n toneel gewys waar ‘n man en ‘n vrou besig is om seks te hê in ‘n stegie. Dit is nie reg nie, my vierjarige kleinseun wou weet wat hulle doen en ek laat nie eers toe dat my 14-jarige dogter rolprente wat sekstonele bevat, kyk nie.”

Okosa het tot die gevolgtrekking gekom dat Coetzer se klag geldig is aangesien SABC2 die uitsaaikode oortree het deur nie ‘n waarskuwing te gee nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Nell

ja dit was n lekker episode daai… Swartwater rock!

Lize

Tannie jou 14 jarige dogter wat nie rolprente met sekstonele mag kyk nie weet meer as ek en jy saam van daardie onderwerp……hulle word dit op skool geleer en dit wat hulle nie daar leer nie, leer hulle by maatjies!!!!

Dalleen

Hierdie probleem is nou opgelos. Swartwater is geskuif na 9:15 toe, SABC3 Woensdae aande. Jy kom eers 10:30 in bed. Seker ‘n maklike maniere om te bewys dat nie genoeg mense Afrikaanse programme kyk nie – nevermind of die meeste mense wat die volgende dag werk, al gaan slaap het!

RIA

Dit is regtig nie so erg nie tannie dis n afrikaanse storie dit wys nie eers als nie weet jy as my kind vra wat nog klein is se n mens hulle speel hulle verstaan nie eers regtig nie en ja die kinders leer dit op skool

ANONIEM

Ag tog, die 14 jarige weet lankal alles, sy is glad nie so onskuldig nie! op die ouderdom leer hulle in elkgeval daarvan in die skool, en ek het ook n vierjarige en hy verstaan glad nie wat hulle doen nie. Dis tyd dat ouers bietjie wakkerskrik, hulle onskuldige bloedjies is partykeer nie so onskuldig nie, 13 jariges loop dan weg saam met mans!!