SAID dank regshoof af

Argieffoto

Die Suid-Afrikaanse Inkomstediens (SAID) het Refiloe Mokoena, sy regshoof, afgedank nadat sy skuldig bevind is aan ernstige wangedrag.

Die besluit is geneem ná ʼn dissiplinêre verhoor, wat deur die Johannesburgse Balieraad se senior advokaat behartig is. “SAID het die voorsitter se aanbevelings om Mokoena onmiddellik af te dank aanvaar. Haar dienste is dus op 15 November beëindig,” het ʼn verklaring van die inkomstediens gelui.

Hoewel die klagtes teen Mokoena nie bekend gemaak is nie, het verskeie media-instansies berig dat sy na bewering aan die stuur was van ʼn terugbetaling van belasting op toegevoegde waarde ten bedrae van R420 miljoen aan die omstrede Gupta-familie.

Die afdanking is deel van  ʼn deurlopende en omvattende hersiening van die hele leierskap van die SAID deur die kommissaris. Dit kom deels na aanleiding van die verslag van die Nugent-kommissie van ondersoek na die SAID.

Die Nugent-kommissie het vroeër bevind daar was ʼn beduidende gebrek aan integriteit en bestuur by die inkomstediens, ʼn doelbewuste aftakeling van bestuur, ʼn wegkalwing van vaardighede en ʼn verbrokkeling van verhoudings.

Mokoena is reeds vroeër vanjaar saam met vyf ander bestuurslede geskors hangende die afhandeling van ʼn tugproses ten opsigte van ernstige bewerings van wangedrag.

Die vier ander geskorste bestuurslede is Hlengani Mathebula, hoof van korporatiewe beheer, internasionale betrekkinge, strategie en kommunikasie, Teboho Mokoena, hoof van mensekapitaal en -ontwikkeling, Luther Lebelo, hoof van werknemerbetrekkinge, Mmathe Makhekhe-Mokhuane, die voormalige inligtingshoof van die SAID.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
jennefer

Kla haar aan ook.

Michael P

Afgedank of huistoe gestuur met vol pay en voordele?

Theresa

Vra ek ook Michael P. Is daar een wat met geld kan werk? Is daar een wat eerlik is en almal se belange op die hart dra?

Maljan

Waar gaan sy nou teen trippel die besoldiging ontplooi word? Dalk hoof van sal?

leser

en die guptas het haar sakke vol geld gegee
ondersoek almal by die said, julle sal geskok wees wat julle sal kry