SAID se omstrede inligtingshoof geskors

Makhete-Mokhuane tydens die TV-onderhoud.

Die Suid-Afrikaanse Inkomstediens (SAID) het sy omstrede inligtingshoof, Mmamathe Makhekhe-Mokhuane, geskors.

Volgens Siphithi Sibeko, woordvoerder van die SAID, is Makhekhe-Mokhuane voorkomend geskors hangende die afhandeling van ʼn tugproses ten opsigte van ernstige bewerings van wangedrag.

Makhekhe-Mokhuane het verlede jaar oornag bekend geword ná haar getuienis voor die Nugent-kommissie van ondersoek en ʼn bisarre televisieonderhoud.

Tydens haar getuienis voor die kommissie het sy op ʼn vraag oor wat sy bedoel het in haar voorlegging toe sy verwys het na die lang ampstermyne van SAID-werknemers, oor die Drakensberg Seunskoor begin praat. “Die Drakensberg Seunskoor is in 1867 op die been gebring en in 2018 word meisies steeds nie toegelaat om te sing nie.”

Tydens die SAUK-onderhoud het sy onder meer gesê dat inkontraktering by die SAID nodig was om beurse aan werknemers se kinders te gee. Sy het ook in ʼn stadium vir die onderhoudvoerder gevra: “Mevrou, kan jy my beskerming bied teen jouself?”

Volgens Sibeko tree Makhekhe-Mokhuane se skorsing onmiddellik in werking. Sy is die vyfde bestuurslid van die SAID om voornemend geskors te word. ʼn Bepaling in hierdie verband sal slegs gemaak word ná afhandeling van die proses.

“Die SAID versoek dat die privaatheid van die betrokke individue en die vertroulikheid van die verhouding tussen werkgewer en werknemer gerespekteer word. Die SAID sal nie verder kommentaar lewer oor die aangeleentheid voordat dit afgehandel is nie.”

Die vier ander geskorste bestuurslede is Hlengani Mathebula, hoof van korporatiewe beheer, internasionale betrekkinge, strategie en kommunikasie, Teboho Mokoena, hoof van mensekapitaal en -ontwikkeling, Luther Lebelo, hoof van werknemerbetrekkinge, en Refiloe Mokoena, regshoof van die SAID.

“Dit is deel van ʼn deurlopende en omvattende oorsig van die hele SAID-leierskap deur die kommissaris ten opsigte van onder meer goeie bestuur na aanleiding van die Nugent-verslag,” het Sibeko gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

19 Kommentare

Veer ·

Dis skokkend! Wys jou net hoe bevoeg is hulle OF nie! Klink soos ‘n sirkus! Néé, dalk beledig ek nou die sirkus!

Wurmpie ·

Ja geskors want hul moet salaris ontvang terwyl hul niks doen

Suzette Geringer ·

Seker geskors en kry nog steeds ‘n vet salaris. Darem maar lekker in hierdie land…

kolla ·

So terloops – Daar sing slegs seuns in die Drakennsbergse Seunskoor omdat dit ‘n Seunskoor is net soos jy ‘n Mannekoor, Vrouekoor kry of dogterskoor kry. Klink eerder vir my asof sy nie by haar volle positiewe is nie of dat sy die onderhoud aspris wou verongeluk. Vreemde storie.

Dries Moolman ·

Dis amper ‘n jaar later, en sy word nou eers geskors? Waarskynlik om ander redes, neem ek aan, maar steeds, na daardie onderhoud en haar getuienis laasjaar, moes sy onmiddelik uitgeskop geword het. Wonder of ek maar my tax return ook vir ‘n jaar of so kan skors.

Pieter ·

Mense kla gaan ons niks help nie ons kla nou al vir twintig jaar die blankes moet op kla en iets begin doen of ons blankes nou daar van hou of nie ons gaan moet saam staan so nie gaan ons lelike dinge in die land sien

Johann ·

Ergste is sy en haar mede sotlikhede met die grand poste en ewe lagwekkende uitlatings dink hulle is SLIM verby. Imagine jy moet saam met die een werk? Disfunksioneel onbekwaam as mens…nevermind vir jaar pos.

ne ·

Sy lei aan “oldtimer siekte” Kan nie onthou nie, ek weet nie!

wilma ·

wonder of daar ooit hoofde by govt instansies is wie iets tussen ore het. mens lees dan net oral van incompetence

Philip ·

Het net gewonder of die staat my nie ook wil skors al meng ek nie met die korrupte stelsel nie.

Gert van Wierdapark ·

Sjoe ek is nou bekommerd dat alles tot stilstand gaan kners daar by die Inligting-afdeling! Sy het seker die afgelope jaar n sleutel rol as inligting-hoof gejol by Sars. (dis nou as sy haar rekenaar se aan-koppie kon opspoor)!?

Elsa ·

Wat n skande vir die samelewing. Die enigste department wat werk en hul sit met sulke bestuurder…

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.