Sakeman geskors ná onderonsie met swanger vrou

‘n Skermskoot van Romeo Makhubela uit die video.

Die vooraanstaande sakeman wat na bewering ʼn hoogswanger vrou ná ʼn onderonsie by ʼn Wes-Randse winkelsentrum oor ʼn parkeerplek aangerand het, is uit sy pos geskors.

Maroela Media het Maandag berig die vrou, Bianca Fourie (29), ʼn logistieke bestuurder wat byna agt maande swanger is, is na bewering op 25 April omstreeks 15:00 by die Steers-restaurant by Featherbrook Village in Ruimsig aangerand.

ʼn Video van die voorval is op die kitskosrestaurant se sekuriteitskameras vasgelê en die man is later as Romeo Makhubela, uitvoerende hoof van die finansiëledienstegroep Novare Holdings, geïdentifiseer.

Anika Theron, kommunikasiespesialis vir Novare, het intussen aan Maroela Media bevestig Makhubela is as uitvoerende hoof by die maatskappy geskors.

“Novare wil bevestig hy is bewus van die voorval, respekteer die ernstige aard van die gebeure wat plaasgevind het en het dadelik daarvolgens opgetree,” het Theron gesê.

Theron het gesê nadat die raad van die voorval in die media gelees het, het hulle ʼn dringende vergadering gehou en Maandag besluit om Makhubela onmiddellik as uitvoerende hoof van aktuarisse en konsultante te skors.

Daarbenewens het Novare ʼn interne ondersoek na die voorval van stapel gestuur wat gelei sal word deur twee nie-uitvoerende Novare-direkteure met behulp van een van die land se toonaangewende regsfirmas.

“Novare veroordeel enige aard van geweld en die gedrag wat vertoon is, is nie verteenwoordigend van Novare se kultuur nie,” het Theron bygevoeg.

Theron het gesê ʼn tussentydse uitvoerende hoof is reeds aangestel om te verseker dat bedrywighede by Novare ongehinderd voortgaan.

Bianca Fourie. Foto: Via Facebook

Amanda de Lange, Fourie se ma wat medianavrae namens haar dogter hanteer, het Maandag aan Maroela Media gesê Fourie het by die winkelsentrum ingery en gestaan en wag vir ʼn parkeerplek, want die parkeerplekke was baie beperk. Daar was ʼn BMW wat dwars gestaan het en terwyl sy vir die BMW se bestuurder gewag het om reg te trek, het ʼn man in ʼn ander voertuig agter haar sy toeter gedruk en geskreeu. Sy beduie toe vir die motoris agter haar sy wag vir ʼn parkeerplek, maar het toe uiteindelik verbygery en ʼn ander parkeerplek gaan soek.

Makhubela was glo in die BMW na wie Fourie beduie het. Makhubela, sy motor se bestuurder en sy seun is van daar af na Steers. Fourie was ook op pad na Steers, onwetend dat Makhubela ook daar was.

“Toe sy inloop by die restaurant het Romeo haar gekonfronteer en sonder rede aangeval. Sy het hom geïgnoreer, is by die deur uit, waarna sy haar selfoon uitgehaal het in ʼn poging om ʼn foto van hom te neem om hom te identifiseer. Toe sy die foto wou neem, gryp hy haar foon en slaan haar met ʼn vuis dat sy buite oor die marmertafeltjies val,” het De Lange gesê.

De Lange het gesê die bestuurder van die restaurant en veiligheidspersoneel het tussenbeide getree en Makhubela is uiteindelik daar weg. Volgens De Lange is haar dogter tydens die onderonsie op haar maag, kakebeen en bors geslaan.

Fourie het beserings aan haar gesig en bors opgedoen en is uit vrees vir haar ongebore babadogtertjie se welstand na ʼn nabygeleë hospitaal gehaas vir behandeling en is sedertdien ontslaan maar erg getraumatiseerd.

“Die babatjie voel die stres aan, haar hartklop is hoog en sy beweeg baie rond. Bianca moet gereeld vir skanderings gaan om haar ongebore baba se welsyn te monitor,” het De Lange gesê.

Fourie het ʼn aanklag van aanranding teen Makhubela aanhangig gemaak. Die Honeydew-polisie ondersoek die voorval.

Titswa Modise, Makhubela se prokureur, het aan Maroela Media bevestig Makhubela het op sy beurt ʼn saak van crimen injuria by die Honeydew-polisie teen Fourie aanhangig gemaak. Modise het bevestig daar was ʼn voorval, maar voer aan dat Fourie vir Makhubela agtervolg het en hom en sy kind bedreig laat voel het. Makhubela is van plan om Fourie ook by die gelykheidshof te verkla vir die gebruik van “rassistiese taal”.

Die polisie se ondersoeke duur voort.

Posted by Amanda De Lange on Sunday, 6 May 2018

Posted by Amanda De Lange on Sunday, 6 May 2018

Romeo… does it feel good to hit a 7 month pregnant woman? Punch her with the fists – her face, chest and in her stomache.Start to pray.

Posted by Amanda De Lange on Thursday, 26 April 2018

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

85 Kommentare

jongste oudste gewildste
Koos B

Dankie Novare dit is wat nodig was om te doen ek is seker na dese gaan julle nog meer suksesvol wees.

Ai, hoekom Ras

Dis die maklikste “kaart” om te speel, die rasse kaart. Bly die baba en ma is ok, so jammer dit moes gebeur, dit als oor parkering.

Johan

Yes!!!!

Mollie

Makhubela wil nou hardloop en ‘n saak gaan maak teen die dame vir “rassistiese uitlatings”. Ek hoop hy kan sy saak BEWYS en nie omgekoopte getuienis kry wat vir sy part gaan lieg nie. Die dame het meer as genoeg bewyse teen hierdie vent waar hy haar en haar ongebore baba aanrand! Hy weet hy het nou moeiliikheid en gryp nou na strooihalmpies om homself uit die moeilikheid te kry! Ek is moeg vir hierdie swart-teen-wit rassisme, wat gewoonlik gepaard gaan met geweld, en “hul” kom weg daarmee! Maar OH ek het vergeet…. net wit mense is mos rassisties!

notajuba

n swanger vrou laat jou bedreig voel…kom aan mnr jy kon iets beters uitding oooeee nee jy kon nie want jou IK is te laag..nee wat ry die perd suster tot jy kan…vat wat jy kan en dan lag jy vir hom…lig mos jou hand hoop hy vrot af…as ons net ons wette hersien kan ons jy dalk laat hang het..wat te genadig is vir jou tiepe wat vrouens slaan veral swanger vrouens…