Sakeman was alleen toe vliegtuig val

Jaco Jansen van Rensburg en sy vrou, Michelle. Foto: Facebook

Jaco Jansen van Rensburg en sy vrou, Michelle. Foto: Facebook

Die polisie in Limpopo het Donderdag bevestig dat Jaco Jansen van Rensburg die enigste insittende was in die ligte vliegtuig wat Woensdag in die Rooiberg-gebied buite Bela-Bela neergestort het.

Lt.kol. Moatshe Ngoepe, woordvoerder van die polisie, het gesê die vliegtuig het op die Renosterkloof-plaas neergestort nadat dit 11:00 by die Zebula-wild-en-gholflandgoed opgestyg het. Die RV10-vliegtuig was onderweg na Vaalwater, maar het nooit daar opgedaag nie.

Ngoepe het gesê Jansen van Rensburg se familie het omstreeks 17:00 bekommerd begin raak toe daar geen teken van hom was nie en het die saak by die polisie aangemeld. “ʼn Soektog is van stapel gestuur en die wrak van die vliegtuig met sy [Jansen van Rensburg se] liggaam daarin is op die plaas gevind,” het hy gesê “Die oorsaak van die ongeluk is nog nie bekend nie.”

Daar was vroeër Donderdagoggend aanvanklik verwarring of Jansen van Rensburg wel ʼn passasier saam met hom gehad het of nie. Jansen van Rensburg was ʼn sakeman wat ook op die Zebula-landgoed gewoon het.

Die ongeluk word deur die polisie en die burgerlugvaartowerheid ondersoek.

Nadat die nuus van Jansen van Rensburg se dood Donderdag bekend geword het, is verskeie huldeblyke aan hom op sosiale media gedeel. Jansen van Rensburg is beskryf as ʼn wonderlike pa, ʼn goeie vriend en iemand wat altyd bereid was om ander te ondersteun.

Hy laat sy vrou, Michelle, en drie kinders agter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Ramon

Geagte maroela media.
Julle berig lees dat Van Rensburg in n helikopter geval het en dan n vliegtiug.
Kom ek help.Dis n vliegtiug RV10 en nie n helikopter nie

Hendrik

Was hy in n vliegtuig of helikopter verstaan nie die berig

Marietjie

Was hy nou in ‘n helikopter of vliegtuig…berig verwarrend

Anoniem

Hi Maroela

Ek is regtig nie n persoon wat foute uitwys nie, ek wil jul net inlig dat hy die enigste insittende was in dievliegtuig en nie in nhellikopter soos in berig staan nie. En laaste die wrak van vliegtuig nie hellikopter.Ek glo julle sal dit gou wysig en dan sommer my kommentaar afhaal.

Raven

Lyk my daar is ook verwarring of dit ‘n helikopter of vliegtuig was?