Rameez en Fatima Patel. Foto: Facebook
Patel het op 2 Oktober vlugtig in die hof verskyn voor die saak uitgestel is. Patel word reeds verhoor word vir die moord op sy vrou, Fatima (28), in 2015.
Hy is op 30 September in hegtenis geneem in verband met die moord op sy ma, Mahejeen Banu Patel (51), by haar huis in Polokwane verlede maand. Patel se ma was in haar huis in Nirvana toe ʼn gewapende verdagte op haar en haar huishulp losgebrand het.
Mahejeen is gewond en na ʼn hospitaal gehaas waar sy ʼn paar uur later gesterf het. Haar huishulp is ongedeerd. Niks is uit Mahejeen se huis geroof nie en die polisie het gesê die motief vir die aanval is onbekend.
Rameez ontken dat hy enige aandeel in sy vrou se moord gehad het en beweer sy is tydens ʼn huisbraak vermoor.
Rameez se pa, Feroz Patel (54), is in Augustus 2016 in die Ladine-nywerheidsgebied in Polokwane in sy motor doodgeskiet. Die polisie het destyds gesê Feroz is deur vier mans in ʼn grys Volkswagen agtervolg waarna ʼn jaagtog ontstaan het. Feroz het beheer oor sy motor verloor en teen ʼn heining gebots. Die verdagtes het uit hul motor gespring en hom doodgeskiet voordat hulle ʼn sak uit sy kattebak gehaal en verdwyn het. Niemand is nog in verband met dié moord in hegtenis geneem nie.
Lees alle vorige berigte oor Rameez Patel op Maroela Media.
Ja nee. Maak jou pa dood vir sy geld en kry niks. Nou is dit ma se beurt vir die geld wat jy gedink het jy gaan kry en nooit gekry het. NOU sal jy dit mos kry. O ja en as ‘n bonus maak my vrou dood vir so geldtjie om my deur te dra .
Ag ek bedoel vrou se geld is uitgemors en toe moes hy pa se geld kry . Hy moet in aanhouding BLY.