ʼn SAKP-leier, Siyabulela Siswana (44), en sy sesjarige dogter is Woensdagaand by hul huis in Mfuleni in Kaapstad vermoor.
Volgens die SAKP kon dit moontlik ʼn sluipmoord wees.
Siswana was die SAKP in die Wes-Kaap se sekretaris in die Brian Bunting-distrik.
Brig. Novela Potelwa, woordvoerder van die polisie, sê twee verdagtes, wie se gesigte versteek was, het Siswana, sy dogter en vrou die aand met ʼn vuurwapen in hul huis oorval. Een van die verdagtes het met ʼn vuurwapen op die Siswana-gesin begin losbrand.
Siswana en sy dogtertjie het later in die hospitaal aan hul wonde beswyk. Siswana se 39-jarige vrou veg tans om haar lewe in ʼn hospitaal.
Potelwa sê speurders werk hard om die twee moordenaars vas te trek. Twee sake van moord en een van poging tot moord is aanhangig gemaak.
“Soos die ondersoek ontvou, sal die motief vir die moord ook duideliker word,” sê Potelwa.
Die SAKP in die Wes-Kaap het sy skok uitgespreek oor die moord op Siswana. Die party het ʼn beroep op die polisie gedoen om die moordenaars so vinnig as moontlik vas te trek.
Indien die vrou dit oorleef en gaan wakker word, gaan dit n vreeslike tyding wees om te hoor sy het haar man en dogtertjie aan die dood afgestaan. Alle sterkte aan haar en naasbestaandes – so onnodig.
Politieke moord
Vermoor deur versteekte gesigte , maar die regte moordenaars sit in paleise en grinnik want daar sal niks met hulle gebeur nie . Lospryse op koppe is die hool se voorland . Hou maar dop .
Hier sal alles moontlik gedoen word om die skuldiges op te spoor maar laat dit ‘n boer wees dan word daar nie eers na die skuldiges gesoek nie want daar word mos nie boere vermoor nie aldus ons fantastiese president.
Ek wou presies dieselfde sê, Sterkte aan die vrou, al is ek nie sakp goedgesind nie
Baie tragies…… My simpatie aan die vrou en alle naasbestaandes…..
Hy het iemand die hoenders in gemaak. Wou seker nie doen wat die kaders wou hê nie.