SAKP, NUM ruk op na Eskom

NUM-betoging by Megawatt Park in Johannesburg (Foto verskaf aan Maroela Media)

Honderde lede van die National Union of Mineworkers (NUM) het Saterdag opgeruk na Eskom se hoofkantoor in Johannesburg, Megawatt Park.

Die werkers betoog vir hoër salarisse en ʼn sosiale dialoog, in teenstelling met ʼn “herstruktureringsagenda wat as ʼn gedane saak voorgehou word”.

Die Suid-Afrikaanse Kommunistiese Party (SAKP), wat die NUM in hul optog ondersteun, sê die werkers kan nie blameer en gestraf word vir die mislukkings wat deur neoliberalisme en staatskaping veroorsaak is nie.

Die SAKP eis verandering wat ʼn groter belegging van staatskapitaal in kragopwekking en modernisering van Eskom insluit.

Werkers is onder andere gekant teen die privatisering van Eskom; hulle eis dat diensvoorwaardes herstel moet word en hulle eis ʼn 15%-salarisverhoging. Hulle is ook gekant teen verpligte inentings.

Werkers het Saterdag plakkate rondgeswaai waarop onder andere Andre de Ruyter, uitvoerende hoof van Eskom, se bedanking ook geëis word en hulle is gekant teen die sluiting van steenkoolkragstasies wat as “ekonomiese sabotasie” beskryf word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Jean

Sit die hoof van numsa in De Ruyter te plek en kyk dan hoe gaan eskon nog vinniger agteruit.

Jack

Selfsug en onbegrip verpersoonlik. Cosatu moet ontbind word. Vakbonde moet aan bande gelê word. Die SAKP moet weer verban word.

Frederick

Volgens SAKP en NUM is genoeg nou genoeg! Genoeg van wat? Ek het nou genoeg van hulle alewige aandrang op graatis dienste,vervoer, behuising, krag, opvoeding ens, en net ‘n sekere gedeelte van die bevolking moet maar daarvoor voorsien. Is daar dan niemand wie vir hulle kan verduidelik waar geld vandaan kom nie? My magtag, genoeg is nou vir my ook genoeg.

MARIANA

‘n Mens hoop net dat De Ruyter en kie sal geduldig wees en sterk sal staan teen die aanslae van hierdie “kenners” op hierdie uiters belangrike kwessie.

Philip

Kommuniste is dikvellig en sal aanhou eise stel omdat hulle met hulle hande in n ander man se sakke staan op hulle self genereer hulle nie n dooie sent nie verbruik net wat ander produseer.Hou gerus maar julle kommunistiese vet pofferhandtjies van Andre de Ruyter en sy superspan af julle het niks om hulle te vervang nie en Kubane en ander buitenlandse kommuniste skep net baie pap in die proses.