SAL-kajuitpersoneel staak oor kostoelaag

Foto: ANA

Kajuitpersoneel van die Suid-Afrikaanse Lugdiens (SAL) het Woensdagoggend voor die lugredery se hoofkantoor in Kempton Park begin betoog.

Nagenoeg 1 300 lede, sowat 85%, van kajuitpersoneel neem glo aan die staking deel en eis dat hul internasionale kostoelaag van $130 (R1 710) na $170 (R2 236) verhoog word. Volgens die South African Cabin Crew Association (SACCA), wat die werkers verteenwoordig, is die toelaag die afgelope ses jaar nie aangepas nie.

SAL het intussen bevestig daar is vertragings en kansellasies weens die stakings. Tlali Tlali, woordvoerder van SAL, het gesê vlugte wat vroegoggend van kusstede moes vertrek, is die ergste geraak deur die stakings.

Tlali het gesê die vereiste aantal kajuitpersoneellede is nie tans beskikbaar om sekere vlugte te kan bedryf nie. “SAL sal deurlopend kommunikeer oor watter opsies beskikbaar is om die uitwerking van die vertragings te probeer beperk.”

Reisigers kan SAL nader vir meer inligting:
Johannesburg-inbelsentrum: 011 978 1111 of 0861 606 606
Webwerf: www.flysaa.com
Facebook: www.facebook.com/flysaa
Twitter: Twitter.com./flysaa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

37 Kommentare

jongste oudste gewildste
Jaco

“Flights are full were is the money”….Die geld is in die bestuur se switserse bankrekenige :-)

SNoes

En hulle is klaar so dik… Sny liewer die toelae..

Fred

Is die kostoelaag per dag?

Skande

AG ASB nog ‘n spul wat staak, BEDANK en gaan soek ander werk dat mense wat WIL werk julle werk kan kry. EK is al so keelvol vir HE EN DEMAND en BETOOG< ek kan iets oorkom . as die geld en toelaag en werk nie vir jou is nie gaan kry vir jou 'n ANDER Werk of bly stil en wees dankbaar jy HET WERK!!! SKANDE!!!

Elizabeth

Volgens Radio Pretoria nuus is die toelae per dag? As dit so is, is dit regtig belaglik en as dit per maand is, is dit meer as genoeg! Dit is meer as my huishoudelike toelae per maand, ver meer, baie baie meer! Leef hulle om te eet of eet hulle om te leef????