SAL: ‘Rassistiese’ DG se skorsing geëis

(Argieffoto: ANA)

Die DA eis die onmiddellike skorsing van die direkteur-generaal (DG) van die departement van openbare ondernemings oor ʼn “rassistiese verklaring” wat op die departement se Twitter-blad gedeel is.

In die verklaring sê Kgathatso Tlhakudi wit vlieëniers by die Suid-Afrikaanse Lugdiens (SAL) wil ʼn “selfverrykende arbeidsooreenkoms wat ʼn oorblyfsel van apartheid is” probeer handhaaf.

Tlhakudi sê lede van die Vlieëniersvereniging van die Suid-Afrikaanse Lugdiens (Saapa) wil “net hê” en dat hulle die begunstigdes is van ʼn ooreenkoms met die SAL wat in 1988 aangegaan is, “die hoogtepunt van apartheid” en wat nooit verstryk nie.

In die verklaring sê Tlhakudi voorts Saapa het voorgestel dat ʼn benadering van laaste-in-eerste-uit gevolg word, “welwetende dat diegene wat geraak gaan word swart vlieëniers is wat in senior posisies begin vorder”.

‘n Gedeelte van die verklaring wat op Twitter gedeel is.

Ghaleb Cachalia, die DA se woordvoerder oor openbare ondernemings, sê dit lyk of die verklaring wit vlieëniers teiken wat aan Saapa behoort.

“Saapa is ʼn gesamentlike arbeidsvereniging wat bestaan uit die redery se uiteenlopende vlieënierskorps. Nadat hy versuim het om die SAL behoorlik te bestuur, het Pravin Gordhan se departement nou op rasgronde van verdeel en oorwin teruggeval om sy eie mislukkings te verbloem.

“Die departement moet hierdie verdelende verklaring, wat geen plek in ʼn demokratiese Suid-Afrika het nie, terugtrek en ʼn verskoning aan alle SAL-werkers gee wat gevoel het dat hulle op grond van ras geteiken word.”

Cachalia sê Tlhakudi kan nie aan die stuur van ʼn departement wees as hy “rassespanning” aanblaas in instellings wat onder sy departement val nie.

“Pravin Gordhan gaan aandadig aan die skending van die grondwetlike beginsel van nie-rassigheid wees as hy versuim om teen die DG op te tree.”

Saapa het in reaksie op die verklaring gesê apartheid was ʼn wrede en onmenslike stelsel en enige bewering dat vlieëniers van die SAL enige voordeel uit die voortsetting daarvan wil trek, word met minagting verwerp, het News24 berig.

Saapa sê die DG moet ook enige gedeelte van die ooreenkoms bekend maak wat enige voordeel op grond van ras of geslag uitstippel.

Die woordvoerder van die departement van openbare ondernemings het nie dadelik op ʼn versoek om kommentaar gereageer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Androclus

Skorsings word oral geëis ,maar skorsings vind net nie plaas nie,

Stefan

Ek weet nie wat gaat met my aan nie, maar ek stem eintlik met Kgathatso Tlhakudi saam.
‘N bankrot lugdiens kan eenvoudig nie al hierdie buitesporige byvoordele betaal nie, nogal uit die belasting betaler se sak.

Manie

Ek ry liewers in my voertuig voordat ek met ANC.COM se vliëeniers vlieg dankie.

Sobymykoolkop

Anders as die sogenaamde DG en sy mede trogvreters het daai vlieëniers die bankrot SAL gebring tot waar die maatskappy een van die bestes ter wêreld was voordat bee ingegryp en als tot as gereduseer het, en glo my, die kaders is TROTS daarop

Hennie J

Die onlangse vlug om entstof te haal is sprekend van wat ons van die nuwe sal kan verwag. Sodra julle weer n vliegtuig met versoolde bande, n lemoen in die aerial, n lugwaardin wat per hyser opgelaai word en bulderende musiek op die aanloopbaan gewaar, weet gerus wie in charge is.