SAL se benarde finansiële uitslae bekendgemaak

Argieffoto

Die nasionale tesourie het Woensdag ná ʼn inligtingsessie deur SAL aan die parlementêre komitee oor finansies gekanselleer is, wel SAL se vierdekwartaalresultate bekend gemaak.

Maroela Media het vroeër berig die sessie is gekanselleer nadat ANC- en DA-LP’s koppe gestamp het oor of die vergadering vir die publiek geslote moet wees of nie.

Thandi Tobias, waarnemende voorsitter van die komitee oor finansies, het SAL-hoofde verhoed om die lugredery se uitslae voor te lê en gesê ʼn besluit is tydens die vorige vergadering van die komitee geneem dat die sessie geslote sal wees. Die DA meen egter só ʼn besluit is nooit geneem nie.

Daar was ook sprake oor of dit nie ʼn risiko is dat die maatskappy se strategieë moontlik aan sy mededingers bekend gemaak gaan word nie.

Daar is toe besluit om eers die vorige vergadering se rekords na te gaan.

Die tesourie het toe later Woensdag in ʼn verklaring gesê hulle het besluit om wel die uitslae aan die publiek bekend te maak. Die besluit is geneem ná ʼn omvattende hersiening van die kwessie en met inagneming van die noodsaaklikheid om SAL se kommersieel sensitiewe strategieë te beskerm, maar steeds binne regeringsvoorskrifte te handel.

Die DA meen die vergadering moes nooit geslote gewees het vir die publiek nie.

Die syfers wat die tesourie bekend gemaak het, het dit aan die lig gebring dat SAL sowat R1,2 miljard meer as die verwagte R610 miljoen oor dié tydperk verloor het.

SAL het die verlies van R1,84 miljard op onder meer wisselkoersveranderinge blameer wat die maatskappy glo R656 miljoen gekos het. Volgens die tesourie was die verwagte wisselkoersverliese R508 miljoen. Die lugredery het ook laer passasiersgetalle getoon as wat daar verwag is.

SAL het verder gesê internasionale verkope het met 11% gedaal en binnelandse verkope met 21%.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Mrs H

Julle kan maar Nog minder passasiers getalle verwag met Nog minder groei. Hierdie land se groei gaan nerens nie. Maak toe en sluit permanent. Daar is een hoop..die ashoop.

bgj van der westhuizen

alles net verskonings daar is t veel mense en swak bestuur te veel wat groot pay kry en doen niks verkoop dit mors van belastin geld

Aap

Die bestuur kan net nie SAL op ‘n lewens vatbare bestuur nie.
Raak ontsla van albei en RSA sal baie baat vind en nie die belastingbarlers so melk, melk en melk nie.

GM

Bahaha, hulle is bang om hul strategieë aan hul mededingers bekend te maak! Dalk moet hul ‘n boek skryf. ‘Hoe om suksesvol, ‘n verlies te ly – vir dommies’. Die boek sal dalk meer geld maak as hul lugredery…

Judge Dredd

So SAL lewer swak diens en dan blameer hulle die passasiers wat nie meer SAL wil vlieg nie – “only in Africa”.
Hehehe, miskien kan die Kamerade “demand” dat meer mense SAL vlieg.