Samwu aangekla ná stadsaal brand

Foto: Twitter via Arrive Alive

ʼn Klag van opsetlike saakbeskadiging is teen die munisipalewerkersvakbond Samwu en sy provinsiale sekretaris, Thabang Tseoua, aanhangig gemaak nadat die Bloemfonteinse stadsaal Woensdagaand in ʼn brand verwoes is.

Devar Smit, VF Plus-raadslid in die Mangaung-metro-munisipaliteit, het in ʼn verklaring gesê die klag is Donderdag by die Parkweg-polisiestasie aanhangig gemaak.

Maroela Media het vroeër berig die stadsaal is heeltemal verwoes in ʼn brand wat ontstaan het kort nadat Samwu-lede by die gebou vergader het. Samwu-lede by die Mangaung-metro-munisipaliteit staak al weke lank weens ontevredenheid oor salarisse.

Simon Mathe, Samwu se algemene sekretaris, het egter Donderdag ontken dat enige van Samwu se lede by die brandstigting betrokke was en beweer Samwu se lede was reeds weg uit die omgewing toe die gebou vlamgevat het.

Smit het in ʼn verklaring gesê die VF Plus het vroeër by monde van raadslid dr. Elizabeth Snyman-Van Deventer vir Samwu gemaan om sy lede in toom te hou nadat stakers ook onder meer elektrisiteitsdrade in woonbuurte soos Botshabelo en Dan Pienaar geknip het. “Tseoua het op die aanmaning gereageer deur enige bewerings van geweld deur Samwu-lede ten sterkste te ontken en te sê die VF Plus suig hierdie aantygings uit hul duim,” het Smit gesê.

Volgens Smit het Tseoua ook aan ʼn plaaslike koerant gesê indien die VF Plus glo dat Samwu by die brandstigting betrokke was, moet hulle die saak by die polisie aanmeld. “Dit is dan presies wat ons vandag gedoen het. Dit was mnr. Tseoua en sy organisasie se plig om hul lede gedurende hierdie uitgerekte staking in toom te hou en hulle is aandadig aan die verwoesting van ʼn besonderse erfenisbate en ander eiendom en moet strafregtelik aangekla word,” het Smit gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
popeye

Maar Rome brand nie aldus stortkop

Dries

Daar brand die Stadsaal ook geheimsinnig dalk is dit ” fopnuus”

Pieterlewismuts

Dit het lankal nodig geword dat die organiseer der van “oproer” aanspreeklik gehou word vir skade aan.openbare of privaat eiendom tydens be tog Ing geweldadige of te not

Anoniem

Hulle kry vir ten minste 10 jaar geen verhogings nie. Die geld wat so gespaar word, kan gebruik word vir die herstel van die stadsaal.

Ysbeer

Nou dink hulle vir een oomblik dat die vakbond vir die skade gaan betaal. Wat n groot grap!