Samwu distansieer homself van ‘chaotiese’ Kaapstad-optog

Die Samwu-optog in Kaapstad se middestad op 6 Mei 2015. Talle straatverkopers se stalletjies is geplunder. Foto: @EWNReporter op Twitter.

Die Samwu-optog in Kaapstad se middestad op 6 Mei 2015. Talle straatverkopers se stalletjies is geplunder. Foto: @EWNReporter op Twitter.

Die munisipalewerkersvakbond Samwu het Donderdag gesê die plundery van straatverkopers se stalletjies tydens ʼn optog deur die vakbond was die werk van “opportuniste en misdadigers”.

“Ons distansieer onsself van hierdie voorvalle en glo dit is die werk van opportuniste en kriminele elemente wat straatverkopers wou uitbuit,” het die vakbond in ʼn verklaring gesê. “Ons veroordeel die stad se besluit om ʼn groot aantal gewapende polisiebeamptes te ontplooi wat slegs daar was om stakende werkers te intimideer.”

Die polisie het Woensdag met skokgranate op die Samwu-lede losgebrand toe chaos tydens die optog uitgebreek het. Straatverkopers se stalletjies is geplunder en rommel is in die strate gegooi terwyl lede van die vakbond na die burgersentrum opgeruk het. Die werkers eis salarisverhogings en vervoertoelaes.

Die vakbond het gesê sy lede is “gedissiplineerd en klasbewus”. “Daarom is ons oortuig dat nie een van ons lede aan die plundery deelgeneem het nie,” het Samwu gesê.

Die grondwetlike hof het in 2012 beslis dat vakbonde aanspreeklik is vir enige skade wat aangerig word tydens ʼn staking. Talle besigheidseienaars en straathandelaars het die hof genader ná ʼn chaotiese optog deur die SA Transport and Allied Workers Union (Satawu) in dieselfde jaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Nestus Venter

Snaaks dat die “opportuniste en misdadigers” net uitkom as daar optogte is. En dan arm mense beroof. En niemand van die pligsgetroue vakbond hulle keer nie.

Hein Stander

Dit blyk dat ‘n klasbewuste gedisiplineerde barbaar maar net ‘n barbaar bly.

Peet Schabort

Eintlik moes die straatverkopers maar liewer nie daar gewees het. Hulle weet mos al by hierdie tyd wat gaan gebeur. Ook die vullishouers word nie teruggehou.
Sal mense ooit leer hul is in Afrika?

CHRISTA

Jy kan net vir hulle jammer voel! Hulle het NIKS tussen die ore nie!

J.Z

Die vakbond wil klaar hul hande in onskuld was en die skuld op die polisie pak,hulle het by die ANC geleer ,”moenie vir ons kyk nie, dit is nie ons nie,dit is net misdadigers” Of verwys hulle miskien nou na hul lede in die optog wat hulle gehou het? Of ook ontken hulle dat dit nie hul lede was wat in die optog was nie.