Sanef veroordeel intimidasie van joernaliste

MK-veterane by die #OccupyLuthuliHouse-veldtog op 5 September 2016 (Foto: @eNCA, Twitter)

MK-veterane by die #OccupyLuthuliHouse-veldtog op 5 September 2016 (Foto: @eNCA, Twitter)

Die Suid-Afrikaanse redakteursforum (Sanef) het Dinsdag gesê hy is baie bekommerd oor die vyandigheid en intimidasie wat Maandag teenoor joernaliste voor die ANC se hoofkantoor, Luthuli Huis, in Johannesburg getoon is.

Volgens Sanef is joernaliste wat verslag gedoen het oor die #OccupyLuthuliHouse-veldtog deur lede van die Umkhonto weSizwe-vereniging vir militêre veterane aangeval en geteister. Lede van die vereniging, wat in militêre uniforms geklee was, het joernaliste glo rondgestamp, beledig en probeer om hul kameras af te neem.

“Sommige van die joernaliste is agtertoe gestamp en so verhoed om naby die ANC-beamptes, insluitende die sekretaris-generaal, Gwede Mantashe, te kom wat uitgekom het om die skare en die joernaliste toe te spreek,” het Sanef in ʼn verklaring gesê.

Die forum het ʼn beroep op die ANC en die MK-veterane gedoen om beter opleiding aan hul veiligheidspersoneel en vennote te gee sodat joernaliste toegelaat kan word om hul werk ongehinderd en in ʼn veilige omgewing te verrig. “Maandag se voorval kom kort ná verskeie voorvalle gedurende die munisipale verkiesing waar joernaliste óf geïntimideer óf selfs aangerand is terwyl hulle openbare geleenthede bygewoon het,” het Sanef gesê.

Die forum het die optrede van die SAPD en die Johannesburgse Metropolisie teenoor joernaliste geloof en gesê hulle help die joernaliste om hul pligte te kan uitvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

7 Kommentare

jongste oudste gewildste
Anti regering

Wie is mk om mense te verhinder om hulle werk te doen wat as die ex koevoete ook nou opdaag in uniform en die klomp weer die vlaktes injaag soos altyd die geval was.

Oog in die lug

Hulle kan joernaliste wat opdaag dreig maar met tegnologie wat almeer gevorderd word, kameras wat al kleiner en vlieend word, gaan hulle niks meer kan wegsteek nie. Joernaliste moet meer van hierdie tegnologie begin gebruik maak.

Tech

Joernaliste moet begin om drones en ander tegnologie te gebruik as hulle so afgepers word.

Maria van Dieweeck

Ek het gesien op n insetsel hoe hardhandig die boelies was met n vroulike joernalis, skokkend! Magsdronk, onmenslik.

Jan maak n plan

Ek het nie geweet dat die MK uniforms ook dieselfde is as die nuwe SANW se uniforms nie. Kyk die maatjie op die linkerkant van die foto. Of het die ANC regering sommer gou weer n paar SANW soldate gekry terwyl hulle ou MK uniforms gegee is om Luthuli huis te help beskerm.