SA’ner breek 10 sekonde-grens

Simon Magakwe

Simon Magakwe

Simon Magakwe het Saterdag in Pretoria tydens die Suid-Afrikaanse Atletiekkampioenskap die eerste Suid-Afrikaner geword wat die 100 meter binne 10 sekondes voltooi het.

Die skare by die Tuks-stadion het gejuig toe hy die eindstreep binne 9.99 sekondes gehaal het. Magakwe was reeds halfpad met sy oorwinningsronde toe die amptelike tyd as 9.98 sekondes aangekondig is.

“Ek was van die begin af aggressief,” het Magakwe gesê. “Ek wou dit so graag hê. Ek het myself die laaste 30 meter baie hard gedruk.”

Magakwe se afrigter, Eugene Thipe, is ook van Suid-Afrika. “Alles wat ons doen, doen ons in Suid-Afrika” het hy gesê.

Magakwe het tot Saterdag nog die rekord van 10.06 sekondes met Johan Rossouw gedeel.

“Ek wil my naam in die rekordboeke verewig deur die eerste Suid-Afrikaanse man te word wat deur 10 sekondes breek,” het Magakwe in 2012 gesê toe hy Rossouw se rekord geëwenaar het.

Akani Simbine het die resies binne 10.02 sekondes voltooi, en dus ook die vorige rekord verbreek. Emile Erasmus was derde met 10.23 sekondes.

Wayde van Niekerk het ook die eerste Suid-Afrikaner geword wat Saterdag die 400 meter binne 45 sekondes voltooi het. Hy het die afstand binne 44.92 sekondes afgelê voor Shaun de Jager (45.82 sekondes) en Willie de Beer (46.38 sekondes). -SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Jasper ·

Baie geluk ! Hopelik sal daar nou meer tyd en geld aan S.A. Atletiek spandeer word.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.