SA’ner se skietdood in Hawaii: Polisie se optrede geregverdig  

Lindani Myeni. (Foto: Facebook/ Jaguars RFC)

Die skietdood van Lindani Myeni in Honolulu, Hawaii, was geregverdig en geen klag sal teen die betrokke polisiebeamptes aanhangig gemaak word nie.

Steve Alm, Honolulu se staatsaanklaer, het Woensdag tydens ʼn mediakonferensie gesê polisiebeamptes se optrede was geregverdig aangesien Myeni vreemd opgetree het voor die skietery en dat ander pogings om hom onder beheer te bring nie suksesvol was nie.

Myeni, ʼn voormalige KwaZulu-Natalse rugbyspeler, is op Woensdag 14 April deur polisie in Honolulu doodgeskiet nadat ’n konfrontasie tussen dié partye ontstaan het. Die polisie het op ’n 911-oproep gereageer waarin ’n vrou beweer het dat Myeni by hul huis probeer inbreek het.

Alm het tydens die mediakonferensie onder meer beeldmateriaal van die drie betrokke polisiebeamptes se lyfkameras gewys om te benadruk dat hulle geen ander keuse gehad het as om Myeni te skiet nie.

Volgens Alm het Myeni ook sowat 30 minute voor die voorval waarin hy doodgeskiet is ʼn vreemde interaksie met ander polisiebeamptes gehad. Beamptes was glo besig om ʼn verklaring af te neem rakende ʼn motordiefstal toe Myeni hulle glo genader en self die slagoffer begin ondervra het. Hy het glo ook een van die beamptes vir geld gevra en toe glo ook agter in die polisievoertuig probeer klim.

Daar is verlede maand beeldmateriaal beskikbaar gemaak wat sou wys dat Myeni moontlik na ’n tempel op soek was toe hy per ongeluk by die verkeerde huis ingestap het. In die video kan gesien word hoe Myeni sy skoene uittrek voordat hy die huis, kort op die hakke van twee ander persone, binnegaan. Volgens sy familie strook dit met iemand wat beplan om ’n tempel binne te gaan. Die huis waar Myeni doodgeskiet is, is langs ’n tempel geleë is waarheen mense kan gaan om te mediteer.

Beeldmateriaal wat kort ná die voorval beskikbaar gemaak is, het gewys hoe Myeni die polisiebeamptes eerste aanval en met sy vuiste begin slaan het. Een van die polisiebeamptes het tydens die voorval ernstige beserings opgedoen en is in ʼn hospitaal opgeneem. Volgens Alm is dié beampte steeds nie terug by die werk nie.

Myeni se familie het ’n klag van onregmatige dood teen die Honolulu-polisie ingedien ná sy skietdood.

Jim Bickerton, die Myeni-familie se regsverteenwoordiger, het gesê die siviele saak gaan steeds voort ondanks die bevinding dat die polisie se optrede geregverdig was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

31 Kommentare

Heinrich ·

Klink my hy was besmet met goeie geval van RSA Entitlement

Samuel ·

So was sekere SA’NERS weer vinnig om die rassekaart te wou voorhou. Die voorval word beslis betreur, maar dit blyk nou die polisie het geen ander keuse gehad nie.

Driekus ·

ja nee jong. hier is baie meer inligting in hierdie rubriek op Maroel Media as in News24 se rubriek. Dit lyk my sekere koerante laat weet mense al weer net wat hulle wil he die mense moet hoor. Die man het vir my bietjie nie so 10 – 4 geklink na ek hierdie gelees het nie.

Die Boerepompie ·

Daar moet iets meer agert die storie wees dit sal ook nou uot kom

MakersMark ·

Hy het die polisie aangeval, selfs nadat hy “getazer” was het hy aangehou. Watookal hom na die huis geneem het kon hy verduidelik het in ‘n kalmer, veiliger omgewing. Maar nee, ongelukkig tree hy toe op presies soos hy nie moes nie. Ongelukkig en jammer ja, maar ek stem saam met die polisiehoof.

Nie Verbaas ·

Die Honolulu polisie moet net die beeldmateriaal vrystel wat hulle weergawe bewys.

Cobus ·

Gelukkig geskied in hierdie geval meer geregtigheid as in die gemors Floyd saak waar ‘n onskuldige polisie beampte as politieke speelbal misbruik word.

Henri ·

Ek stem saam. $26miljoen is darem ‘n astronomiese bedrag wat aan ‘n man met ‘n kriminele rekord se familie uitbetaal is voor die hofsaak afgehandel is.

MakersMark ·

Hy sou dalk daai bedrag bymekaar gemaak het met nog so 30 jaar se kriminele aktiwiteite……

Robert ·

Jammer maar hy het nie normaal opgetree nie… nou gaan hulle seker die eiland afbrand.

FrikkievV ·

Ja om polisie met die vuis by te dam , selfs hier in SA sal nadelige gevolge te weeg bring.

MakersMark ·

Ek dog dis “taking a knife to a gunfight”…..die ou het opgedaag met die vuis alleen…..

Sarel ·

Nou gaan daar seker weer oproer wees..
Die ma het seker gedink hy is in SA

gpsa ·

Wonder of daar dwelm toetse gedoen was? Bleikbaar baie vreemd opgetree voor die voorval.
Stem saam polisie het reg opgetree, hulle moet hulself verdedig.

Jaco ·

Weet President Joe Biden met sy gekerm oor Black Lives Matter, human rights en selfs defund the police van dié staatsaanklaer in Hawaii se uitspraak? Voorwaar ‘n vreemde uitspraak ná al die liberale goed wat Biden al gesê het. Ek dink die staatsaanklaer gaan binnekort sy werk kwyt wees.

Rosie ·

Gaan lees die mediakonferensie hierbo. Hy’t moeilikheid gesoek.

Anoniem ·

‘n Siviele saak ? Ag nee regtig, daar is dan beeldmateriaal beskikbaar wat wys dat hy onhanteerbaar was, dus het die Polisie ten beste opgestree. Klink meer of die familie vergoeding soek.

SomeOne ·

vergoeding, sekerlik, ‘n trippie honolulu kan ‘n paar rand wees, die geld wat sy familie soek vir die trip is nou in die drein af

Jakes ·

Die polisie in die VSA kannie vir elke doood van “‘onskuldige slagoffers ” pa staan nie. N paar rassiste in SA het nou lekker geel eier op hul gesigte.

Pieter J ·

Gelukkig het die polisie “body cams”gehad wat presies gebeur het.

SomeOne ·

meer as een body cam se beelde kan nie aangepas word nie, myeni fam, dis nie rsa waar alles gekook kan word nie

gatgogga ·

Ja, dis nie RSA nie, waar jy die polisie met klippe kan bestook, en dan kla dat die polisie onregverdig reageer nie. Ek hoor nou al die kamma verontwaardiging wanneer die SABC se TV kanale die storie kry.

Niklaas ·

Die oorledene het hom misgis met VSA se polisie. Sy optrede voor die skietery was baie vreemd ook.

MoederMamma ·

Hoekom sal ‘n professionele rugbyspeler by iemand se huis wil inbreek? En in die tweede video kan mens duidelik sien Myeni vra eers wat aangaan en die polisie het hom eers ge-“tazer” en toe het hy begin slaan. Eers na hulle hom geskiet het, het hulle half sarkasties gesê hulle is van die polisie. Van die ander gebeurtenis weet ek niks, maar van wat ek op die videos gesien het, lyk dit vir my soos ‘n misverstand wat vreeslik verkeerd geloop het.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.