SA’ner versprei medisyne vir beseerde diere in Aus

Jamie Joseph (skermgreep uit die video)

Jamie Joseph van Saving the Wild in Suid-Afrika is tans in Australië om heuning te versprei wat vir brandwonde gebruik kan word en infeksie voorkom.

Saving the Wild werk in vennootskap met die Nieu-Seelandse maatskappy Comvita, wat die mānuka-heuning vervaardig. “Ons gebruik mānuka-heuning op diere wat ʼn stropery oorleef,” verduidelik Joseph. “Ek het die buitengewone resultate gesien as veeartse die mānuka-heuning gebruik. Ek het geweet ons sal ʼn groot verskil kan maak as ons dit in Australië kan kry.”

Die verwoestende veldbrande in Australië en die impak wat dit op diere het, het ook Joseph se hart aangegryp en sy is tans in dié land om groot hoeveelhede van die mānuka-heuning gratis te versprei. “Dit is soos vloeibare goud vir diere wat geskroei het.”

Daar is ʼn groot behoefte oor Australië heen en versoeke stroom in. Kerstin Schweth van die Wildlife Rescue South Coast is dankbaar om die produk te kry, wat soms moeilik bekombaar is. “Dit is wonderlik om voorraad te kry.”

Natuurbewaringsentra in Australië kan op Instagram met Jamie kontak maak.

View this post on Instagram

Newshub TV3 report | Wildlife injured in Australia's bushfires are now being treated with medical grade manuka honey donated by Comvita, a New Zealand partner to Africa based charity Saving the Wild. Saving the Wild Director Jamie Joseph is currently in Australia, travelling around the country in a van packed full of supplies, distributing this life saving manuka to wildlife centres caring for injured and burnt survivors. "I've seen the extraordinary results we have had with our poaching surviviors when vets in Africa use manuka, and so I knew if I coud get it to the survivors in Australia we could really make a difference." -Jamie Joseph Australian wildlife rescue centres treating injured and burnt survivors can send a message to Jamie on instagram (saving_the_wild) if they would like her to deliver manuka medical supplies to their facility. #AustrliaFires #SavingTheWild

A post shared by Saving the Wild (@saving_the_wild) on

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Kangoala

Moet absoluut verskriklik wees vir daai diertjies. Waarom moes daar tog diere op aarde wees. Een van die dinge wat ek nooit sal verstaan nie. Jamie jy is ‘n wonderlike mens.

Johan

Dit is fantastiese nuus. Sterkte daar.

toy

Ai shame, die arme diere kan hulle nie self help nie. Mens voel bitter jammer vir hulle.

Griki

Wat ‘n wonderlike gebaar. Mag God julle seën, Jamie en Comvita en almal wat op enige manier hulp verleen in Australië om mens, dier en omgewing te help.