SA’ner wen eerste keer in agt jaar die Kaapstad-marathon

Stephen Mokoka hardloop oor die wenstreep. Foto: ANA.

Stephen Mokoka het Sondag die eerste Suid-Afrikaner in agt jaar geword wat die Sanlam Kaapstad-marathon gewen het.

Mokoka het met ʼn nuwe rekord vir dié marathon, 2:08:29, geëindig.

Mokoka het tien sekondes vinniger as die vorige rekordhouer, Asefa Negewu, geëindig in dié 42 km-wedloop.

Albert Korir was tweede met 02:09:02 en Philemon Kacherian derde.

By die vroue het Namibië se Helalia Johannes die resies gewen met 02:29:28, terwyl Nolene Conrad die eerste vroue-atleet van Suid-Arika was wat oor die wenstreep gehardloop het – met ʼn persoonlike beste van 02:35:21. Conrad was algeheel agtste.

Dié wedloop is een van die kwalifiserende wedlope vir die Comrades- en Twee Oseane-marathon.

Nolene Conrad was die eerste vroue-atleet van Suid-Afrika oor die wenstreep. Foto: ANA.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Sou graag ·

Sou graag ‘n foto van Helalia Johannes, die vroue wenner wou gesien het, ek volg haar gereeld in byeenkomste, stil hardwerkende atleet.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.