SA’ners aangemoedig om LP’s te bel

Grafika wat op sosiale media versprei word. Grafika: Twitter

Sosialemedia-aktiviste het Dinsdag die selfoonnommers van parlementslede gepubliseer en Suid-Afrikaners aangemoedig om hulle te bel en hulle te oortuig om vir die mosie van wantroue in pres. Jacob Zuma te stem.

Die selfoonnommers is langs die naam van die betrokke LP gepubliseer en die publiek is aangemoedig om ʼn LP te kies en te bel.

Verskeie sosialemediagebruikers het ook boodskappe aan LP’s op sosialemediaplatforms gedeel waarin hulle die LP’s aanmoedig om nie hul getrouheid aan die Grondwet te ignoreer nie en vír die mosie van wantroue te stem aangesien dit “ʼn einde sal bring aan staatskaping”.

ANC-ondersteuners in Kaapstad tydens ʼn optog ter ondersteuning van pres. Jacob Zuma (8 Augustus 2017). Foto: ANA

Die debat oor die mosie begin om 14:00 in die parlement waarna LP’s deur middel van ʼn geheime stemproses sal stem.

Intussen is opposisiepartye in Kaapstad tesame met organisasies soos Future SA en SaveSA besig met ʼn optog na die parlement in aanloop tot die debat. In Pretoria het honderde EFF-ondersteuners na die Uniegebou opgeruk ter ondersteuning van die mosie van wantroue in Zuma, terwyl ANC-ondersteuners ook saamgetrek het vir ʼn optog ter ondersteuning van Zuma.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.