SA’ners ‘dodelik gekant’ teen grondonteiening, sê IRR

Sihle Ngobese, hoof van strategiese bedrywighede by die IRR (Foto: Jonisayi Maromo/ANA)

Die Instituut vir Rassebetrekkinge (IRR) het Woensdag bokse by die Uniegebou in Pretoria afgelewer met die name van ongeveer 160 000 Suid-Afrikaners wat gekant is teen onteiening sonder vergoeding.

“Vandag is ʼn baie spesiale dag. Ons het Suid-Afrikaners, gewone mense oor die land heen, sedert Mei verlede jaar gevra om ons petisie te onderteken. Dié petisie is baie eenvoudig: sê vir [president] Cyril [Ramaphosa] wat jy van onteiening sonder vergoeding dink. In die meerderheid van gevalle is mense dodelik gekant teen onteiening sonder vergoeding,” het Sihle Ngobese, hoof van strategiese bedrywighede by die IRR, aan verslaggewers gesê.

“Hoekom? Want mense verstaan wat dit beteken. Dit beteken in effek dat ons die mag aan politici gee om eiendom te konfiskeer, om goedere van ons te konfiskeer. Wanneer ons oor eiendom praat, beteken dit nie net grond nie. Onteiening sonder vergoeding en ander beleidsvoorstelle sal aan politici die mag gee om eiendom van gewone, hardwerkende mense soos ek en jy te konfiskeer – boonop sonder enige vergoeding.”

Ngobese het gesê die 160 000 handtekeninge verteenwoordig gewone Suid-Afrikaners uit alle lewensfere. “Ons is gekant teen onteiening sonder vergoeding en ons bring die mense se stemme na die Uniegebou.”

Die IRR is van mening die parlement se landswye openbare konsultasiegesprekke oor die onderwerp was ʼn klug. “Verskeie belangegroepe, nie noodwendig gewone mense nie, hoofsaaklik politieke partye, het dié verrigtinge gedomineer. Geskrewe voorleggings is versoek en die meerderheid was gekant teen onteiening sonder vergoeding. Tog is dit nie wat mens van politici hoor nie. Hoekom? Want hulle het ʼn vooropgestelde idee gehad van dit wat hulle vir ons, die publiek, wou sê.”

Die IRR het gewaarsku dat verswakte eiendomsreg in Suid-Afrika deur onteiening sonder vergoeding ʼn beduidende nadelige impak sal hê op die land se ekonomiese vooruitsig en belangrike en noodsaaklike pogings om grondeienaarskap in stedelike en landelike gebiede ondermyn.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Christiaan

Ek gaan nie stem nie, maar ek gaan verseker my gewig ingooi by instellings wat werklik ñ verskik maak in ons toekoms. Hoekom, want hier doen ons dit self. Geen leë beloftes nie. Dankie IRR! Ek sal sommer almal vra om by julle aan te sluit. Veg die geveg van alle kante. Ondersteun hulle ook asb. SMS jou naam na hulle SMS nommer by 32823. Die grond geveg begin nou eers.

Ed

Die ANC word al hoe meer Cyril Mugabe

Andreas

Arme Cyril moes iets nader hark om aan sy volgelinge te verkoop, al het hulle self gewonder wat hulle na die tyd daarmee moet maak, ‘n wortel vir ‘n donkie? En hulle het nie eens ‘n donkie nie. Maar vir Cyril het dit net gegaan om ‘n uur of twee aanmekaar by byeenkomste te praat. Gaats, hy kan mos nou nie daar niks staan en sê nie.

Ja Nee

Wie gaan luister na 160 000 mense wat teen grond onteining is as daar miljoene mense pro onteining is.

Oujongvrou

Gaan al daai bokse na herwinning vir toilet papier stuur. Om hulle agterente aan af te vee