‘SA’ners moet verenig teen plaasmoorde’

Brendin Horner (21), ‘n plaasbestuurder, is wreed vermoor. (Foto: Facebook)

Die moord op die 21-jarige Brendin Horner kan ʼn keerpunt vir Suid-Afrika wees.

Volgens John Steenhuisen, DA-leier, kan dit radikale groeperinge, links en regs, versterk wat die samelewing verder kan polariseer en ’n tipe landelike burgeroorlog tot gevolg hê. “Of dit kan diegene in die middel versterk, wat Suid-Afrikaners uit alle gemeenskappe aanspoor om saam te staan teen hierdie aanval op ons boerderygemeenskap en voedselsekerheid en in die algemeen teen wetteloosheid.”

Woede het die week oorgekook tydens die hofverskyning van die twee verdagtes wat in hegtenis geneem is vir die moord op Horner. Hordes mense het Dinsdag na die hof opgeruk en gemoedere het in ʼn stadium hoog geloop waarna ʼn polisievoertuig onder meer omgestoot is en dit aan die brand geraak het. Nadat dit duidelik geword het dat niemand die beskuldigdes gaan sien nie en dat die saak tot 16 Oktober uitgestel is, het ʼn groep mense die hof binnegestorm. Skote is in die hofgebou gehoor.

Die EFF was vinnig was om die kwessie te gebruik om geweld aan te hits, sê Steenhuisen. Julius Malema, EFF-leier, het Woensdag ʼn video van boere voor en in die landdroshof getwiet met die byskrif: “Magwala a chechele morago! (Lafaards beweeg na agter) Vegters val aan!” Die DA het reeds aangedui dat hy Malema en EFF-LP Nazier Paulsen by die parlementêre etiekkomitee gaan verkla oor hul plasings op sosiale media.

“Hierdie roekelose, onverantwoordelike opportunisme moet te staan kom teen ’n verenigde front teen geweld, misdadigheid en rassisme. Suid-Afrika se samelewing word al meer broos en wisselvallig. Diegene wat in die middel is, moet saamstaan agter ’n kragtige stel beginsels: die oppergesag van die reg, gelykheid voor die reg, teen geweld en nie-rassigheid. Slegs met hierdie beginsels en ’n plan om dit af te dwing, sal ons die magte oorkom wat ons land verskeur.”

Die DA-leier John Steenhuisen. (Foto: Courtney Africa/ANA)

Daar is absoluut geen regverdiging vir plaasaanvalle nie, ongeag die ras van die slagoffer of die oortreder. Hierdie brutaliteit is ʼn siekte en ʼn misdaad teen ons mensdom, het Steenhuisen gesê. “Hierdie misdade kan nie voortgaan om straffeloos gepleeg te word nie. Dit is eers wanneer mense aanspreeklikheid eis en sien dat misdadigheid en geweld sal afneem. Daar is ook geen regverdiging vir die vernietiging van openbare eiendom soos ons hierdie week in Senekal gesien het nie, ongeag die ras van die oortreder. Almal moet gelyk wees voor die wet, en die wet moet sy gang kan gaan.”

Pres. Cyril Ramaphosa moet nou sy stilte breek en plaasaanvalle veroordeel. “Hierdie oomblik noodsaak sterk en verenigde leierskap. Hy moet sy berugte ontkenning van plaasmoorde in 2018 onteenseglik terugtrek.”

Steenhuisen het Ramaphosa ook versoek om Bheki Cele, minister van polisie, te vervang. “Hy het versuim op daadwerklik op te tree en weier om plaasaanvalle as prioriteitsmisdade te klassifiseer, alhoewel dit vandag vier keer gevaarliker is om op ’n plaas te wees as in ander dele van die land. In plaas daarvan het Cele die situasie vererger deur te probeer om boere self te blameer vir plaasaanvalle.”

Plaasaanvalle moet volgens Steenhuisen as prioriteitsmisdaad geklassifiseer word sodat meer hulpbronne, mannekrag en kundigheid aangewend kan word om dit te bestry. “Die konstante vrees waarin boere en plaaswerkers verkeer, is besig om onuithoudbaar te word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Pieter

Maklik om dit te doen. Raak ontslae van alles anc en eff. ( Gooi sleutels dan weg). Want hulle verwoes ons land en ons mense.

Sobymykoolkop

Bendegeweld is prioriteitsmisdaad, geweld teen vroue en kinders ook. Het dit afgeneem/opgehou? Inteendeel, dit vererger.Bewys dan dat om plaasaanvalle te priotiseer dit gaan verminder, voorkom of laat ophou.

Reynier

Ons moet begin om saam te staan, saam te werk en uit een mond praat. Maar jammer om vir John Steenhuizen te sê dat die DA deel van die probleem is. Tyd om ‘n middeweg te vind is al 20 jaar terug verby. Ons mense wat kos op ons (almal van ons) se tafels sit is besig om uitgemoor te word, en alhoewel dele van die wêreld notisie neem gaan niemand ons help tensy ons, onsself nie kan help nie. Kyk maar net hoe hulle André Pienaar behandel, hulle doen dit met opset om ons af te skrik. Ons moet… Lees meer »

Trotse Boervrou

Kan iemand ons kwalik neem indien ons moeg is vir politieke partye. Watter party het al enige sukses behaal om die land weer terug op die spoor te plaas. Almal praat, maak geluide en raas maar daar kom niks van nie. Myns insiens is van ons grootste probleme in die land dat sommige politieke partye hul volgelinge opstook en sodoende rassespanning veroorsaak. Die Regering staan, figguurlik gesproke, hande gevou en grynslag, afhangende van watter politieke party dit is. Julle moet verstaan dat die plafon bereik is. Dit is nou baie duideliker dat ons op onsself aangewese is.

SomeOne

sirrel en selle is te lamsakkig om hul man te staan