SA’ners samel R9,6 miljoen in vir Sirië-oorlogslagoffers

Die geld word aan verskeie nie-regeringsorganisasies oorhandig vir die oorlogslagoffers in Sirië Foto: Operation SA

Die geld word aan verskeie nie-regeringsorganisasies oorhandig vir die oorlogslagoffers in Sirië Foto: Operation SA

ʼn Suid-Afrikaanse nie-winsgewendeorganisasie, Operation SA, het Woensdag aangekondig dat hy R9,6 miljoen ingesamel het vir slagoffers van die oorlog in Sirië.

Sosiale aktivis Yusuf Abramjee, wat deel is van die veldtog, het tydens ʼn perskonferensie in Johannesburg die paar miljoen rand aan ʼn aantal nie-regeringsorganisasies oorhandig wat sal verseker dat die mans, vroue en kinders in Sirië bygestaan word, veral ná die onlangse stryd om Aleppo.

“Niks van die geld word vir salarisse of reisgeld aangewend nie, dit word alles gebruik vir die mense in Sirië,” het Abramjee gesê. “Die wêreld het hul voete gesleep om die mense in Sirië te help, insluitend die Suid-Afrikaanse regering.”

Operation SA se missie is om menslike lyding in Sirië te verminder deur geld in te samel vir medisyne, kos, klere, komberse en skuiling vir oorlogslagoffers.

Abramjee het die werk van nie-regeringsorganisasies geloof, maar gesê hy was van mening daar moet nog gedoen word vir die mense van Aleppo en ander dele in Sirië. Hy het gesê hy staan verstom oor die aantal Suid-Afrikaners wat die moeite gedoen het om aan te dui dat hulle ʼn bydrae sal lewer. “Ongeveer 14,2 miljoen mense het binne ʼn week aangedui dat hulle ʼn bydrae sal maak. Dit sê vir jou baie oor Suid-Afrikaners. Altesaam R9,6 miljoen is tot dusver inbetaal om die mans, vroue en kinders in Sirië te help. Daar is ʼn gesin wat hul vakansie gekanselleer het en R15 000 inbetaal het om die mense te help.”

Hy het dit benadruk dat die meerderheid van persone wat geld geskenk het nie Moslem is nie, maar verspreid is oor verskeie godsdiensgroepe en rasse.

Adv. Thuli Madonsela, die voormalige openbare beskermer, het erken dat sy skuldig is daaraan dat sy gesê het “iets moet gedoen word”, maar nie die verandering begin het nie, en sy is trots om te sien hoe organisasies soos Operation SA die verandering bring. “As jy iets verkeerd sien en niks sê nie, is jy deel van die situasie.”

Sy het Abramjee geloof dat hy met Operation SA begin het en gesê daar is ʼn behoefte aan ʼn wêreldwye stigting om Sirië by te staan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Gerd Lourens

Hoeveel geld is vir die onskuldige boere wat vermoor is se gesinne ingesamel???

Molly Manser

Wat ‘n kosbare geskenk aan ons almal dat daar nog mense is wat help in nood.. Hierdie Naaste Diens is ‘n ware riem onder die hart. Dankie aan almal wat gehelp het.

Rupert Ashford

Maroela kan julle asb die NGOs se name publiseer aan wie die geld oorbetaal word en ook die geld probeer “volg” sodat ons kan weet wat daarmee gedoen word?

Johanna Botha

Wonder maar net ook van al die onskuldige vroue en kinders in SA wat daagliks verkrag en vermoor word …Charity begins at home …helaas ons eie wetgewing beskerm nie eers ons eie mense wat sal n insameling ook tog help in die langeduur …

Brittz

Wat van die Plaas moorde!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!?