SA’ners verdien gemiddeld soveel per maand

Argieffoto (Foto: stevepb, Pixabay)

Die gemiddelde salaris onder Suid-Afrikaners het oor die afgelope kwartaal gedaal met dié bedrag wat tans op R20 855 per maand staan.

Volgens Statistieke Suid-Afrika (SSA) se kwartaallikse indiensnemingspeilings (QES) het die gemiddelde salaris van die meer as 10 miljoen Suid-Afrikaners in die formele sektor vanaf November verlede jaar tot Februarie vanjaar met 1,9% gedaal.

Die gemiddelde salaris het verlede kwartaal op R21 256 gestaan. Die huidige gemiddelde salaris, wat oortyd en bonusse insluit, is wel 3,8% hoër as verlede jaar dié tyd.

Die peiling toon verder dat Suid-Afrikaners se totale bruto inkomste op kwartaalgrondslag met 5,6% gedaal het tot nagenoeg R688 miljard. Op jaargrondslag het dié bedrag wel met 3,7% gestyg.

Basiese salarisse en lone het op kwartaalgrondslag met 1% gedaal, maar op jaargrondslag met 5,8% gestyg. Bonusse en oortyd het met 35,9% op kwartaalgrondslag en 13,8% op jaargrondslag gedaal.

Die daling in verdienste is egter te verstane aangesien baie Suid-Afrikaners aan die einde van die jaar bonusse ontvang.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Salaris

Bruto of Netto? …

Charmaine

Die gemiddelde salaris is seker as mens ‘n Gauteng bly. Hier in die Weskaap, Mosselbaai is die gemiddelde salaris R4 000-00 p/m met niks voordele en waar ‘n batchelor flat R3 000+ p/m is. Ek sal skatryk voel as ek ‘n salaris kan kry van R20 000-00+.

vonnie

nou wonder ek dan hoekom kry ek so ver onder gemiddeld??

Lisa

Ek het dan pas op ‘n ander nuus webtuiste gelees dat Suid-Afrikaners sowat R6 400 per maand gemiddeld verdien??

Wonder maar net

Onmoontlik