Sanger ondersteun Bokke met gratis liedjie

Etienne Steyn. Foto: Verskaf

Etienne Steyn. Foto: Verskaf

Die sanger Etienne Steyn wil glo ʼn “wengees opbou wat die Springbokke kan dra” ná die span se onlangse nederlaag teen Ierland deur ʼn liedjie, wat hy eintlik vir die Wêreldbeker volgende jaar geskryf het, nou verniet beskikbaar te stel.

“Nadat almal die Springbokke so ondersteun het toe hulle met die All Blacks afgereken het, was dit regtig neerdrukkend om te ervaar hoe baie mense hulle nou weer afskryf ná die verloor teen Ierland,” het Steyn Vrydag gesê. “Ek voel ons moet met die oog op die Wêreldbeker bankvas agter die Bokke inval, ook in moeilike tye. Ek doen ʼn beroep op Bok-ondersteuners om die manne in Groen en Goud te ondersteun op hul huidige Europese toer.”

Volgens Steyn het hy die liedjie, Groen en Goud, geskryf sodat dit net voor die Wêreldbeker uitgereik kan word, maar het nou besluit om dit nou gratis en sonder enige voorwaardes elektronies beskikbaar te stel. “Ek gee die liedjie sodat dit gespeel kan word by die braaivure en in die kuierplekke sodat ons ʼn wengees kan opbou wat die Bokke dra.”

Enige persoon kan dit verniet aflaai: http://www.tunecore.com/widgets/show/76175.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Ruan

Haha, ek wil ook graag vir die bokke iets “verniet” beskikbaar stel… met al die reklame daarby.

Tannie Tienie

Ek hou van sy hare and sny snare

Petra

Etienne is n uitstekende kunstenaar. Laurika Rauch sing ook van sy liedjies. Sy musiek is lekker saamsing musiek wat sin maak. Sy liedjies word gereeld op RSG gehoor en ek het n hele paar gunstelinge want dis onmoontlik om net 1 te he. Ek het die liedjie afgelaai en hy is vinnig besig om een van my gunstelinge te word. Duisend dankies Etienne.

Elfie

Lekker saamsing/dans liedjie. Mooi so!