Sangoma vas vir verkragting

ʼn Sangoma is in Hammanskraal, noord van Pretoria, in hegtenis geneem op aanklag van verkragting.

“Daar word beweer dat die 19-jarige vrou die sangoma Donderdag besoek het en dat die sangoma haar glo verkrag het,” het kapt. Kabelo Marumo, woordvoerder van die polisie, gesê.

Die vrou het ʼn klag van verkragting by die polisie in Hammanskraal aanhangig gemaak en die 34-jarige sangoma is Vrydag in hegtenis geneem. Hy sal Maandag in die Temba-landdroshof verskyn op aanklag van verkragting.