(Foto verskaf deur SANParke)
ʼn SANParke-helikopter is Saterdagoggend beskadig nadat die vlieënier beheer verloor het toe dit by Kaapstad- Internasionale Lughawe opgestyg het.
Reynold Thakhuli, woordvoerder van SANParke, het gesê die vlieënier was alleen in die Airbus AS350B-3+ (Squirrel)-helikopter. Hy het slegs geringe beserings opgedoen en mediese behandeling ontvang.
Die helikopter is in Kaapstad gebaseer om bystand te lewer met lug- wetstoepassing en bewaringsbestuurbedrywighede in die Tafelberg- nasionale park en omliggende dele.
Die Burgerlike Lugvaartowerheid (BLO) en ander betrokke owerhede is in kennis gestel en sal ʼn volledige ondersoek van stapel stuur.
