Sanral-kontrakwerkers maak amok op N1

Die groep betogers op die N1. Foto: Via @KayaTraffic / Twitter

Die groep betogers op die N1. Foto: Via @KayaTraffic / Twitter

Betogende kontrakwerkers van die nasionale padagentskap (Sanral) het Dinsdagoggend chaos op die N1-noord tussen Pretoria en Johannesburg veroorsaak.

Nagenoeg 100 werkers, van wie sommige knopkieries gedra het, het die snelweg versper toe hulle van die New Road-afrit op die snelweg gestap het na Sanral se hoofkantoor in Midrand. Sommige motoriste het gekla dat hulle vir langer as ʼn uur in verkeer vasgekeer was.

Die werkers, van die verkeersvoorvallebestuursmaatskappy Teti Traffic, betoog oor salarisverhogings. “Daar was salarisonderhandelinge met die werkers. Hulle eis ʼn verhoging van 130%, maar die maatskappy kan slegs 7% aanbied,” het Peru Pillay, die maatskappy se bedryfsbestuurder, gesê.

Pillay het gesê die werkers is toegelaat om aan ʼn beskermde betoging deel te neem, maar dat dit veronderstel was om in die Samrand-omgewing plaas te vind en nie op die snelweg nie. Die betogers beweer dat hul salarisse sedert 2012 nie verhoog is nie, maar Pillay het die beweringe betwis.

“Salarisse is volgens inflasie aangepas. Die kwessies sal Woensdag by die Kommissie vir Versoening, Bemiddeling en Arbitrasie (KVBA) bespreek word,” het Pillay bygevoeg.

Die Johannesburgse metropolisie (JMPD) het gewaarsku dat dit onwettig is vir enigiemand om snelweë te versper of vir voetgangers om daarop te wees. Die JMPD het versterkings na die gebied ontplooi.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Paplepel

Nou praat jy!

Grap

Mooi so hoop hulle bring die plek tot ‘n stilstand die mense moet aandring op ‘n baie baie hoë salaris. ..lol

Hendrik

Arresteer almal voor die voet. Hulle hoort nie op die snelweg nie! Hou op op sag te wees. Hierdie groepies mense hou ons almal gyselaar. Hulle kan regtig voor die toegangspad voor die SANRAL gebou protesteer en moet dadelik van die snelweg afgehaal word!

hans brits

Selfs die mense onder die korporatiewe leer weet dat die inflasie onmoontlik 7% kan wees.Die 130% verhoging is nie veregaande nie want dis nader aan die ware inflasiekoers.S.A het n bodemlose geldput wat net vir korruptes gereserveer is.

Buitestander

Was dit nie vir die tolhekke nie het die werkers geen werk gehad nie.