SAPD moet beskikbare hulpbronne gebruik, sê AfriForum

Argieffoto

Hoewel die SAPD by verskeie geleenthede aangedui het dat hulle nie oor die mannekrag en dus vermoë beskik om hul grondwetlike mandaat uit te voer nie, weier hulle om van beskikbare bronne soos reserviste gebruik te maak om hulle te ondersteun.

Reserviste wat nie jaarliks hul bevoegdheidsoefeninge voltooi nie, verloor hul status as aktiewe reserviste en dus die bevoegdheid om die SAPD by te staan. Dit is die SAPD se plig om toe te sien dat hierdie status behou word, sê AfriForum.

Dié burgerregte organisasie het ’n aansoek in die Pretoriase hooggeregshof gebring om die SAPD te verplig om toe te sien dat reserviste in Kameeldrift die bevoegdheidsoefeninge volgens die toepaslike wetgewing voltooi, insluitend die Wet op die Beheer van Vuurwapens (wet 60 van 2000) en die SAPD se nasionale instruksie 3 van 2014. Indien die hofbevel toegestaan word, sal die SAPD weer toegang hê tot bykomende lede om die tekort aan mannekrag te verlig.

“Dit is frustrerend dat die SAPD hul onvermoë om misdaad na behore te beveg met die argument verdoesel dat hulle nie oor die nodige mannekrag beskik nie – terwyl daar onontginde bronne bestaan wat eenvoudig nie deur die SAPD aangewend word nie,” sê Marnus Kamfer, AfriForum se regs-en-risikobestuurder vir gemeenskapsveiligheid.

Die SAPD word nou die geleentheid gegun om op die bewerings in AfriForum se aansoek te antwoord en te verduidelik waarom hulle versuim om die nodige stappe te doen om reserviste op gereedheidsgrondslag te plaas.

“AfriForum sal alles moontlik doen om die gemeenskap se veiligheid te probeer verseker,” voeg Ian Cameron, AfriForum se hoof van gemeenskapsveiligheid, by. “Die feit dat lede van die publiek benadeel word deur die SAPD se onvermoë om tydige en doeltreffende dienste te lewer, spruit gereeld uit die onvoldoende beskikbaarheid van SAPD-lede en beskikbare hulpbronne wat onbenut bly.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Karolis

Hulle beskik oor die mannekrag. Die mannekrag meld net nie aan diens nie.
Afwesig agv: stres, siekte, studies, dood in familie ens. Alles onder vals dokters sertifikate.

leser

raak onslae van die swaargewigte wat nie eers hul skoenveters kan vasmaak
raak van die ontslae wat nie eers hul vanne en name kans skryf nie
raak van die ontslae wat daarrondhang net om salaris te trek
raak van die wat niks vir die stasie se agter deur werd is nie

Hansgat

Die sleg wetters Wil Mos die jobs he.

humor

Wat van veiligheidsdienste soos oa om die kommandostelsel weer tot stand te laat kom. Daar is mos die eie Cjinese polisiediens soos in die nuus verneem. Hulle sal eerder van hulle wil gebruik maak.

Hanna Hoekom

Jare gelede het mense by die SAPS aangesluit omdat hulle n passie daarvoor gehad het. Voornemende polisielede is streng gekeur en het harde klippe tydens opleiding gekou. Daarna is die polisie uniform met trots gedra. “Protect and serve” was wat dit regtig bedoel was om te wees! Ek sien ongelukkig GEEN van hierdie waardes of passie in die post 1994 SAPS nie. En ek vertrou hulle glad nie. SAPS lede is laks, ongeskik en meerendeels erg oorgewig. Die kriminele elemente binne hierdie diens is besig om die oorhand te kry. En dit alles in die naam van regstellende aksie…