SAPD nooi oudlede terug

Die polisiediens vra dat oudlede terugkom. Foto: Twitter

Die Suid-Afrikaanse Polisiediens het met ʼn proses begin om oudlede van die diens opnuut aan te stel.

Kol. Athlenda Mathe, nasionale polisiewoordvoerder, sê die SAPD verwelkom aansoeke van gewese lede met die rang van konstabel, sersant of adjudant‑offisier. “Net diegene wat aan die vereistes voldoen, sal oorweeg word.”

Sy sê suksesvolle aansoekers sal net met dieselfde rang in diens geneem word as wat hulle voorheen beklee het en volgens die minimum salarisskaal vir daardie rang vergoed word.

Die SAPD het dié proses Sondag met advertensies in drie Sondagkoerante aangekondig, maar inligting is ook op die diens se webwerf, www.saps.gov.za, onder die hofie “Careers” beskikbaar.

Van die ellelange lys vereistes waaraan aansoekers moet voldoen, is dat hulle:

  • ʼn Suid-Afrikaanse burger moet wees.
  • Minstens twee amptelike tale magtig moet wees, waarvan Engels een moet wees.
  • Minstens ʼn kode B-rybewys moet hê.
  • Geen tatoes sal hê wat sigbaar sal wees wanneer hulle ʼn uniform dra nie.
  • Geen vorige veroordelings moet hê nie.

Voormalige lede van die SAPD wat die diens verlaat het omdat hulle afgetree het (hetsy op die aftreeouderdom of vervroegde aftrede), wat oneervol ontslaan of geskors is, of die SAPD verlaat het hangende die uitslag van ʼn tugondersoek, sal nie vir heropname in die diens oorweeg word nie.

Mathe sê aansoekers moet onthou hulle sal aan ʼn deeglike ondersoek onderwerp word wat ʼn sielkundige evaluering, vingerafdrukke, die nagaan van verwysings en mediese toetse sal insluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Johanna Botha

Goeie jimmel jy moet jou kop laat lees om terug tegaan na so n gemors !

Max

Wonder net wat gaan hulle met al die polisiebeamptes maak. KFC oppas vir die polisie helikopters?

Gerd Lourens

HOEKOM???

Om AL die werk te doen en af te tree as konstabels/sersante???

Sekere Mense

Party mense sal enige iets vir geld doen en ook vir enige iemand werk. Laat my ook dink aan straat hoeke waar sekere mense sal staan.

Anoniem

Nou hoeveel polisie beamptes het n kriminele rekord? Dan word hulle nogtans aan gestel en dan as jy weer aansoek wil doen dan mag jy ni n rekord he ni.