Sasol-aandeleskema: Solidariteit gaan hof toe

Optoggangers stap deur die strate van Sandton in protes teen rasse-uitsluiting. (25 Oktober 2018). Foto: Reint Dykema

Solidariteit het Dinsdag aangekondig dat die Kommissie vir Versoening, Bemiddeling en Arbitrasie (KVBA) ʼn sertifikaat aan die vakbond toegestaan het om die uitsluiting van wit werkers uit Sasol se Khanyisa-personeelaandeleskema in die arbeidshof te beveg.

Volgens Anton van der Bijl, hoof van arbeidsregsdienste by Solidariteit, gaan die vakbond die arbeidshof vra om te bevind dat Sasol se personeelaandeleskema ʼn bepaalde groep werkers op grond van hul ras uitsluit en dat dit op onbillike rassediskriminasie neerkom.

Solidariteit versoek dat Sasol alle werknemers, ongeag hul ras, moet insluit by die personeelaandeleskema of dat hy soortgelyke voordele aan die werknemers wat tans uitgesluit word, moet voorsien. “Hierdie geveg kan en sal ons nie ophou veg nie. Ons kan nie so vaskyk teen die verlede dat ons die toekoms van gelyke geleenthede vir almal versaak nie,” het Van der Bijl gesê.

“Ons regspan is reeds besig om die hofstukke te finaliseer en sal aan die einde van Februarie gereed wees om arbeidshof toe te gaan,” het Van der Bijl gesê.

Solidariteit het verlede jaar geskiedenis gemaak toe sy lede teen die Khanyisa-aandeleskema gestaak het, die eerste keer in Suid-Afrika se geskiedenis dat wit werknemers oor rasse-uitsluiting staak.

Khanyisa het gevolg op ʼn vorige skema by Sasol, Inzalo, wat wel wit werknemers ingesluit het. Ingevolge Khanyisa is wit werknemers asook buitelanders egter van dié tienjaarskema uitgesluit. Dr. Dirk Hermann, bestuurshoof van Solidariteit, het vroeër verduidelik dat die aandeleskema in praktyk beteken dat ʼn wit Sasol-werker wat al 30 jaar by Sasol werk, niks kry nie, maar ʼn swart werknemer wat drie maande by Sasol werk, kry aandeelwaarde van R500 000.

Verskeie gesprekke met Sasol se bestuur, ʼn staking deur Solidariteit-lede en ʼn massa-optog in Oktober verlede jaar deur Sandton se strate kon egter nie die maatskappy oortuig om van sy omstrede aandeleskema af te sien nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Dries

Gee gas manne, gee gas…

waarheid1

mooi man – nail hulle!!!!

Dries du Toit

Hulle soek ons op straat met bordjies om ons nek. ‘n Verarmde volk kan nie weerstand bied nie. Hoe minder weerstand hoe makliker kan hulle regeer en dikteer

Tim

Toe dit tyd word vir Inzalo om uit te betaal word almal net in kennis gestel dat dit gekanselleer is en niemand het iets gekry behalwe die dividende van n paar rand. Toe word die nuwe skema aangekondig wat wit werkers uitsluit. Sies Sasol.

KAKtus

Julle raak nou net so stekerig soos my Kaktus plante…ek hoop julle aksie slaag. Anders, plant n Kaktus.