Sasol base stem in om te bedank

Optoggangers voor Sasol se hoofkantoor in Sandton. (25 Oktober 2018). Foto: Reint Dykema

Die Suid-Afrikaanse petrochemiese reus Sasol het vandeesweek sy twee mede-uitvoerende hoofde, Stephen Cornell en Bongani Nqwababa, gevra om te bedank. Dit kom ná ʼn bevinding dat die ontwikkeling van die Lake Charles- chemikalieë projek (LCCP) in Louisiana, VSA, wanbestuur is.

Ná ʼn onafhanklike ondersoek van Sasol se uitvoerende oorgangsplan vir die projek het ʼn komitee, bestaande uit internasionale konsultasiefirmas en regsgeleerdes, bevind dat die bestuurspan in die VSA talle foute begaan het in die ontwikkeling van die LCCP. Die projek sou aanvanklik R130 miljard gekos het om te ontwikkel, maar dié syfer is in Mei vanjaar aangepas na sowat R188 miljard. Die maatskappy hoop nou om binne die perke te bly.

Die ondersoek het egter geen nalatigheid of onbevoegdheid bevind by die twee mede-hoofde nie, maar Sasol se uitvoerende raad voel dat die stappe nodig was om aanspreeklikheid daar te stel, vertroue van die onderneming se aandeelhouers te herstel en om ʼn kultuur van “konstruktiewe dialoog” te kweek.

Volgens die bevindings het die LCCP-bestuurspan tot só ʼn mate gefokus om koste te beperk en binne die skedule te bly, dat hulle versuim het om akkurate koste en skedules aan die mede-hoofde en presidente by die maatskappy deur te gee. Daar is ook bevind dat die bestuurspan in die projek nie die nodige ondervinding gehad het om die projek deur te voer nie.

“Die onvoldoende skeiding van pligte by die LCCP het verhoed dat sekere foute in die koste en skedule geïdentifiseer is. Daar is ook onvoldoende kontroleprosedures toegepas, wat daartoe gelei het dat die LCCP-bestuurspan foutiewe verslae ingedien het, wat nie behoorlik nagegaan is nie,” lui die bedvindings.

Sasol se uitvoerende raad het Fleetwood Grobler, die visiepresident van chemikalieë by Sasol, as die nuwe president en uitvoerende hoof aangestel. Hy sal van 1 November die pos beklee.

Dr. Mandlo Gantsho, Sasol-voorsitter, het Nqwababa en Cornell bedank vir die hulle lang en lojale jare by die onderneming. “[Die hoofde] toon voorbeeldige leierskap deur die belange van Sasol eerste te stel en in te stem om plek te maak vir nuwe leierskap.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
BMW

Wat noem jy dan nou onbevoegheid????

K P

Julle is elk geval deel van n maatskappy wat openlik diskrimineer teenoor witmense. So ek sal nie n traan stort as julle julle goedjies vat en pad gee. Lyk vir my behalwe vir diskriminasie julle elk geval die baie goeie werk gedoen het. Ek ry vandag nog n wye draai om n Sasol garage.

Kobus

Te veel skade is aangerig, dus sal die letsels bly. Hordes ervare mense het Sasol sedert 2014 verlaat. Hardekwasse wat teen die projek was is vervang. Nou is daar ook nog ‘n oorskot van eteleen in die VSA. Pryse gaan dus verder daal te midde van ‘n naderende ressessie. Sasol se verwagte opbrengs op die LCCP is skaars 50% van wat beplan is. Baie probleme lê voor vir Sasol en heelwat bates sal verkoop word. Goeie mense daar staar ‘n Eskom scenario in die gesig. Sterkte.

Vaalseun

Een na die ander beland die firmas en instansies wat om rassistiese redes verseg het om hulle eie presterende senior Afrikaanse bestuurders en ingenieurs as hulle hoofde aan te stel, in die moeilikheid. Die wat buitelanders aangestel het, soos die SAA met Coleman Andrews, Anglo American met Cynthia Carroll, en nou Sasol met Stephen Cornell, betaal almal ‘n duur prys deurdat hulle die bekwaamheid, kundigheid, ervaring en lojaliteit van hulle eie bekwame senior ingenieurs en bestuurders oor die hoof gesien het. Sasol het boonop onlangs van ‘n hele vlak van hulle mees ervare wetenskaplikes en ingenieurs ontslae geraak. Dieselfde het… Lees meer »

Pieter

Sal nie eers hulle brandstof in my kar gooi nie wat nog by hulle bele