Sasol-lyk: Man nog nie geëien nie

Sasol se Secunda-aanleg. Foto: Jóhni Steenkamp

Sasol se Secunda-aanleg. Foto: Jóhni Steenkamp

Die man wie se onthoofde lyk Sondag by die Sasol-aanleg in Secunda, Mpumalanga, gevind is, se identiteit is nog nie bekend nie.

Brig. Selvy Mohlala, woordvoerder van die polisie, het gesê daar is geen vorm van identifikasie by die man se liggaam gevind nie. DNS-monsters is geneem om die man se identiteit te probeer bepaal.

Maroela Media het vroeër berig die man se kop is op ʼn vervoerband gevind wat gebruik word om steenkool te vervoer. ʼn Soektog na die liggaam is onmiddellik deur personeel en die polisie van stapel gestuur. Die liggaam, sonder ʼn regterarm, is later in een van die steenkoolskagte gevind. Volgens Mohlala is die regterarm naby die liggaam gevind.

Alex Anderson, Sasol se hoof van mediabetrekkinge, het die voorval bevestig. “Die oorledene is nie ’n werknemer van Sasol nie. Die voorlopige ondersoek toon dat die oorledene, wat nog nie geëien is nie, ongemagtigde toegang tot die fasiliteit verkry het. Sasol neem die veiligheid van alle personeel en die gemeenskap ernstig op, en gee sy volle samewerking aan die betrokke owerhede.”

Brig. Mohlala het egter gesê die polisie se ondersoek sluit nog nie die moontlikheid uit dat die oorledene as ʼn kontrakteur vir Sasol gewerk het of moontlik ʼn werker van een van die kontrakteurs was nie. Mohlala het gesê dit is in dié stadium nog nie duidelik of daar vuilspel betrokke was nie.

Die polisie het enigiemand met inligting versoek om die polisie in Secunda by 017 624 2125 of Crime Stop by 0860 010 111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.